OpenAlmaty پورتالىندا «بيۋدجەتكە قاتىسۋ» پيلوتتىق جوباسى بويىنشا وتىنىشتەردى قابىلداۋ باستالادى

2019-2020 جىلدارعا ارنالعان «بيۋدجەتكە قاتىسۋ» پيلوتتىق جوباسى اياسىندا اۋلالاردى اباتتاندىرىپ, ساياباقتار مەن سكۆەرلەردى قۇرۋعا, سپورت الاڭدارىن جاساپ, كوشەلەرگە جارىق ورناتۋعا, بۇدان وزگە قالالىق ورتانى جاقسارتىپ, مەگاپوليس تۇرعىندارىنىڭ ءومىر ءسۇرۋ ورتاسىن جاقسارتۋ سياقتى يدەيالاردى بيۋدجەت قاراجاتى ەسەبىنەن جۇزەگە اسىرۋعا بولادى. 

جوباعا سايكەس الماتىنىڭ سەگىز اۋدانىنا قالا بيۋدجەتىنەن 500 ملن. تەڭگە ءبولۋ قاراستىرىلعان. قالالىق اكىمدىكتىڭ OpenAlmaty budget.open-almaty.kz قوعامدىق قابىلداۋ پورتالى ارقىلى قالا تۇرعىندارى اشىق تۇردە وزدەرىنىڭ ۇسىنىستارى مەن جوبالارىن ەنگىزۋگە مۇمكىندىكتەرى بار.

ۇزدىكتەردى قالا تۇرعىنداردىڭ وزدەرى داۋىس بەرۋ ارقىلى انىقتايدى. سونىمەن قاتار قالالىق قوعامدىق كەڭەسىنىڭ مۇشەلەرى, ساراپشىلار, ءماسليحات دەپۋتاتتارى, ۇەۇ وكىلدەرى دە جوباعا ءوز باعاسىن بەرەدى.

جوباعا ۇسىنىسىلعان وتىنىشتەر تومەندەگى كريتەريلەرگە ساي بولۋى ءتيىس:

ءبىر اۆتور - ءبىر ءوتىنىم - ءبىر نىسان;

نىساننىڭ يگىلىگى جالپىعا ورتاق بولۋ;

نىساننىڭ ىسكە اسىرۋ جوسپارلانىپ وتىرعان اۋدان اۋماعىندا بولۋى, جالپى پايدالانۋداعى جەر ۋچاسكەسىندە جانە ت.ب. ورنالاسۋى ءتيىس.

جوباعا ۇسىنىستاردى بەرۋ ءتارتىبى مەن ىرىكتەۋ كريتەريلەرى, ساراپتاۋ كوميسسيالارىنىڭ فۋنكتسيالارى تۋرالى تولىق اقپاراتتى OpenAlmaty قالالىق پورتالىندا «2019-2020 جىلدارعا ارنالعان الماتى قالاسىنىڭ «بيۋدجەتكە قاتىسۋ»  پيلوتتىق جوباسىن ۇيىمداستىرۋ دەگەن بولىمنەن قاراپ, تانىسۋعا بولادى.

الماتى