بۇگىن نۇر-سۇلتان قالاسىندا مەملەكەت باسشىسى قاسىم-جومارت توقاەۆتىڭ قاتىسۋىمەن جاڭا وقۋ جىلىنىڭ قارساڭىنداعى ءداستۇرلى تامىز كونفەرەنتسياسى ءوتىپ جاتىر.
مەملەكەت باسشىسى قاسىم-جومارت توقاەۆ وتاندىق ءبىلىمدى دامىتۋداعى ەرەن ەڭبەگى مەن بەلسەندى قوعامدىق قىزمەتى ءۇشىن بىرقاتار پەداگوگتاردى «قۇرمەت» وردەنىمەن, «ەرەن ەڭبەگى ءۇشىن» جانە «شاپاعات» مەدالىمەن, سونداي-اق قازاقستان رەسپۋبليكاسى پرەزيدەنتىنىڭ العىس xاتىمەن, «ى. التىنسارين» جانە ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن ماراپاتتادى.
قاسىم-جومارت توقاەۆ وتاندىق ءبىلىمدى دامىتۋداعى ەڭبەگى جانە قوعامدىق بەلسەندى قىزمەتى ءۇشىن «قۇرمەت» وردەنىمەن پاۆلودار قالاسىنداعى دارىندى بالالارعا ارنالعان №8 ليتسەي-مەكتەبى فيزيكا ءپانىنىڭ مۇعالىمى اناتولي بەليدانى, الماتى وبلىسى, ىلە اۋدانى, م.ماقاتاەۆ اتىنداعى №13 جالپى ورتا ءبىلىم بەرۋ مەكتەبى تاريح ءپانىنىڭ مۇعالىمى گۇلنار كازەرباەۆانى, «ەرەن ەڭبەگى ءۇشىن» مەدالىمەن تۇركىستان وبلىسى, كەنتاۋ قالاسى احماد يۋگناكي اتىنداعى جالپى ورتا ءبىلىم بەرۋ مەكتەبى ماتەماتيكا ءپانى مۇعالىمى دانەگۇل قۋاتبەكتى, ورال قالاسىنىڭ ءا.مولداعۇلوۆا اتىنداعى №38 مەكتەپ-ليتسەيى قازاق ءتىلى مەن ادەبيەتى ءپانىنىڭ مۇعالىمى گۇلزيحان تاسقارينانى, «شاپاعات» مەدالىمەن قاراعاندى قالاسىنىڭ ن.نۇرماقوۆ اتىنداعى دارىندى بالالارعا ارنالعان وبلىستىق مامانداندىرىلعان مەكتەپ-ينتەرناتى ماتەماتيكا ءپانىنىڭ مۇعالىمى ەكاتەرينا نەپرۋكتى ماراپاتتادى.