«تۋعان ەلگە ساياحات» مارەسىنە جەتتى

ساياحات بارىسىندا با­لا­لارعا ءار قالانىڭ تاريحى تۋرالى دەرەكتەر ايتىلىپ, تىڭ ماع­لۇماتتار بەرىلدى.

– پويىزداعى ساپار بارىسىندا ءار ءوڭىردىڭ بالالارى ءبىر-بىرىمەن جاقىن تانىسىپ, دوستاسىپ كەتتى. ساياxاتتىڭ ءار كۇنىندە بالالارعا ارنالعان شەبەرلىك شىڭداۋ, سپورتتىق جارىستار مەن بي, فلەشموبتار ۇيىمداستىرىلدى. «تۋعان ەلگە ساياxات» جوباسى بالالارعا ءوزىن ءوزى دامىتىپ, شىعارماشىلىق تالانتتارىن اشۋعا مۇمكىندىك بەرەدى. ساياxات بارىسىندا پويىزدا بالالارعا ارنالعان ءتۇرلى ۇيىرمەلەر جۇمىس ىستەدى. سونىمەن قاتار بالالارعا قا­زاق­ستاننىڭ تاريxى مەن پويىز جۇرگەن جەر­لەر­دىڭ گەوگرافيا­لىق  ەرەكشە­لىك­تەرى تۋرالى اقپا­راتتار ايتىلدى. بيىل العاش رەت كورشى رەسەيدە, موڭعوليادا, بەلورۋسسيادا, ۋكراينادا تۇ­راتىن قانداستارىمىز ءوز وتاندارىنا ساياحات جاساپ, قازاق جەرىنىڭ تاريحىمەن تانىسىپ, ءتۇپ-تامىرلارىنا ءۇڭىلدى», دەدى «Samruk-Kazyna Trust» الەۋمەتتىك جوبالاردى دامىتۋ قورىنىڭ رەسمي وكىلى ميراس ىرگەباەۆ.

جوبا قاتىسۋشىسى ءمادي ابدراxمان ساياحات بارىسىندا تاراز قالاسىنداعى قاراxان كەسەنەسىن كورگەنىن, وندا تاريحي مالىمەتتەرگە قانىق بولىپ, ءبىلىمىن جەتىلدىرگەنىن جەتكىزدى. بيىلعى جازدى قىزىقتى وز­كىزگەن ول جوبادان تاپقان دوس­تارىن قيمايتىنىن دا ايتتى.

جوبا قورىتىندىسى ەلور­دا­داعى «جەتىسۋ» ساياباعىندا ۇيىم­داستىرىلدى. ءوز ونەر­لەرىن ورتاعا سالعان قاتى­سۋ­شىلار العان اسەرلەرىمەن ءبو­لىسىپ, ەستەلىك سىيلىقتارعا يە بولدى.

ايتا كەتەرلىگى, «تۋعان ەلگە ساياحات» جوباسى «سامۇرىق-قا­زى­نا» اق كومپانيالار توبى­نىڭ اتىنان «Samruk-Kazyna Trust» الەۋمەتتىك جوبالار­دى دامىتۋ قورىنىڭ ۇيىمداس­تىرۋىمەن جۇزەگە اسۋدا. بۇل شاراعا شالعاي وڭىرلەردە ورنا­لاسقان, كوپ بالالى جانە تولىق ەمەس وتباسىنان شىققان بالا­لار جانە دە وقۋ ۇلگەرىمى جاقسى وندىرىستىك كاسىپورىندار مەن زاۋىت جۇمىسشىلارىنىڭ بالالارى, سونىمەن قاتار ارنايى ۇيىمداستىرىلعان كون­كۋرستىڭ جەڭىمپازدارى قاتى­سۋدا.