پەتروپاۆلدىق وقۋشى حالىقارالىق سامميتكە قاتىسادى

«يۋنيسەف» ۇيىمى  اۋقىمدى شارانى قازان ايىندا وتكىزۋدى جوسپارلاپ وتىر.

ءجاسوسپىرىم ارنايى ينستاگرام پاراقشاسىن اشىپ, ءوز بلوگىندا پەتروپاۆل  قالاسىنىڭ ينفراقۇرىلىمىنا قاتىستى  پروبلەمالاردى ايتا كەلىپ, شەشۋ جولدارىن قاراستىرعان.  ول ءوز ۇسىنىسىندا شاحار ەڭ الدىمەن بالالار ءۇشىن بارلىق جاعىنان قولايلى بولۋ كەرەك دەپ ەسەپتەيدى. بۇل ورايدا قوعامدىق  كولىك قوزعالىسىنا قاتىستى وزكتى ماسەلەلەر تاڭداپ الىنعان.

«مەنىڭ وقىرماندارىمنىڭ ءبىرى بالالاردىڭ قۇقىعىن قورعاۋمەن اينالىساتىن «يۋنيسەف» ۇيىمىنىڭ قازاقستاندىق  بايقاۋىنا قاتىسۋىمدى ءوتىندى. بالكىم, 18 جاسقا تولماعانداردىڭ الەۋمەتتىك پروبلەماسىن اشىق ايتۋىم وعان ۇناپ قالسا كەرەك», دەيدى ءاليحان.

ول قوعامدىق كولىك ماسەلەسىن جان-جاقتى زەرتتەۋگە جارتى ايعا جۋىق ۋاقىتىن جۇمساپتى. وسى ارالىقتا الەۋمەتتىك ساۋالنامالار جۇرگىزىپ, قالا تۇرعىندارىنان اۆتوبۋستاردىڭ ساپاسى مەن قىزمەتى جايلى سۇراستىرعان. كەيىن وزگە شاھارلارمەن سالىستىرا وتىرىپ, كەم-كەتىك تۇستارىن انىقتاعان. ەڭ ءبىرىنشى كەزەكتە جول اقىسىن قايتا قاراستىرۋ قاجەت دەگەن تۇجىرىمعا كەلگەن. ونىڭ ويىنشا  كۇندەلىكتى قوعامدىق كولىك قىزمەتىن وقۋشىلار كوپ  پايدالانادى. 15 جاسقا تولماعان بالالار ءۇشىن جولاقى 40 تەڭگە بولسا, قالعاندارى ءۇشىن – 80 تەڭگە.  سوڭعى باعا ەش نەگىزىز بەلگىلەنگەن. بالا قۇقىقتارى تۋرالى كونۆەنتسياعا سايكەس 18-گە دەيىنگى بالالاردىڭ قۇقىقتارى بىردەي, تەڭ. وسى سەبەپتى كامەلەتتىك جاسقا تولماعان بالالاردىڭ  بارلىعى ءۇشىن جولاقى قۇنى 40 تەڭگەدەن اسپاۋى قاجەت.

تاعى ءبىر ماسەلە – اۆتوبۋستار باعىتتارى كورسەتىلگەن سىزبا. نۇر-سۇلتان قالاسىندا مۇنداي سىزبا ء اربىر ايالدامادا بار. وكىنىشە وراي بۇل  جاڭاشىلدىق تەرىسكەيگە جەتە قويماپتى. ء اليحان ءوز سىزباسىن دايىنداپ, ازىرگە 3 ايالداما ءۇشىن قۇراستىرىپتى.  وندا اۆتوبۋس ستانتسياسىنان باستاپ  قوعامدىق كولىكتىڭ قايدا باراتىنىنا دەيىن كورسەتىلگەن. جوبانى بولاشاق ۋربانيست  قالالىق اكىمدىك وكىلدەرىنە ۇسىنباق نيەتتە.

ونى قازان ايىندا گەرمانيانىڭ كيولن قالاسىندا وتەتىن حالىقارالىق سامميت توسىپ تۇر.

سولتۇستىك قازاقستان وبلىسى