جۇمىسپەن قامتۋ جانە الەۋمەتتىك باعدارلامالار باسقارماسىنىڭ جانىنداعى «جاستار پراكتيكاسى» ۇيىمىمەن كوللەدجدەر مەن جوعارى وقۋ ورىندارىنىڭ تۇلەكتەرى ءۇشىن اقىلى تاجىريبە ءوتۋ ۇيىمداستىرىلدى. بۇل تۋرالى قالا اكىمدىگىنىڭ رەسمي سايتى حابارلادى.
باعدارلامانىڭ ماقساتى – تۇلەكتەردىڭ العاشقى جۇمىس تاجىريبەسىن جيناقتاۋىنا, كاسىبي بىلىمدەرىن ارتتىرۋىنا, ەڭبەك نارىعىنداعى باسەكەگە قابىلەتىلىگىن ارتتىرۋعا جانە جۇمىسقا ورنالاسۋعا ىقپال ەتۋ.
باعدارلاماعا قاتىسۋشىلارعا ەڭبەكاقى رەسپۋبليكالىق جانە جەرگىلىكتى بيۋدجەتتەر ەسەبىنەن تولەنەدى جانە تاجىريبە 6 اي بولادى.
ايلىق ەڭبەكاقىسىنىڭ كولەمى - 70 139 تەڭگەنى قۇرايدى. جاستار پراكتيكاسى جۇمىس بەرۋشىلەردە ولاردىڭ مەنشىك نىسانىنا قاراماستان ۇيىمداستىرىلۋدا.
جىل باسىنان بەرى جاستار پراكتيكاسىنا وقۋ ورىندارىنىڭ 591 تۇلەگى قاتىسۋدا. جالپى, 2019 جىلى اتالعان باعدارلاماعا 1200 جاس تۇلەك قاتىسادى دەپ كۇتىلۋدە.
بايلانىس تەلەفوندارى: 57-88-86, «وركەن» بو, بەيبىتشىلىك, 25