ەكسپەديتسياعا 10 ءوڭىر مەن نۇر-سۇلتان قالاسىنىڭ «جاڭعىرۋ جولى» رمد وكىلدەرى قاتىستى.
العاشقى ساپار ايىرتاۋ اۋدانىندا ورنالاسقان كيەلى ورىنداردى تاماشالاۋدان باستالدى. مۇندا قاراساي مەن اعىنتاي باتىرلار مەموريالدىق كەشەنى, جىلقىنى ءۇي شارۋاشىلىعىنا العاش ۇيرەتكەن بوتاي قونىسى, شوقان ءۋاليحانوۆتىڭ بالالىق شاعى مەن جاستىق شاعى وتكەن سىرىمبەت اۋىلى ەستەن كەتپەس ەستەلىكتەر سىيلادى.
ودان ءارى تايىنشا اۋدانىنىڭ عاجايىپ جەرى سانالاتىن «الەم پاتشايىمى», كاتوليك پريحودى تاماشالاندى. تيتان مەن التىن جالاتىلعان «قازاقستان جۇلدىزى» التارى ورىندالۋ شەبەرلىگىمەن ەرەكشەلەنەدى.
ساياحاتقا قاتىسۋشىلار قۇرمەت كىتابىنا ىزگى تىلەكتەرىن قالدىرىپ, ۋاقىت كاپسۋلاسىن سالدى.
سولتۇستىك قازاقستاننىڭ ەرەكشە تاريحى مەن مادەنيەتىنە ءتانتى بولعان جاستار رەسپۋبليكالىق ەكسپەديتسيانى قىزىقتى وتكىزە ءبىلدى.
سولتۇستىك قازاقستان وبلىسى