«بىرگە – تازا قازاقستان» رەسپۋبليكالىق ەكولوگيالىق اكتسياسى اياسىنداعى ەكولوگيالىق سەنبىلىك بارىسىندا ەسىل جانە قاراسۋ وزەندەرىنىڭ, ۆياچەسلاۆ سۋ قويماسى مەن مايبالىق كولىنىڭ جاعالاۋلارى تازارتىلدى.
ءىس-شاراعا 5 مىڭنان استام ادام قاتىستى.
ولاردىڭ قاتارىندا قر ۇكىمەتىنىڭ مۇشەلەرى, ەلوردا اكىمدىگىنىڭ قىزمەتكەرلەرى, مەملەكەتتىك جانە قوعامدىق ۇيىمداردىڭ وكىلدەرى, ستۋدەنتتەر, ەرىكتىلەر بولدى.
ەكولوگيالىق اكتسيانىڭ قاتىسۋشىلارى ەسىل جانە قاراسۋ وزەندەرىنىڭ جاعالاۋلارىن اۋەجايدان قاراعاندى تراسساسىنا قاراي, مايبالىق كولىن, ۆياچەسلاۆ سۋ قويماسىنىڭ جاعالاۋ ماڭىنداعى اۋماعىن تازالادى, 16 تونناعا جۋىق قوقىس جينالدى.
ەسكە سالا كەتەيىك, قر پرەمەر-ءمينيسترى اسقار مامين 2019 جىلعى 20 شىلدەدە قوياندى سۋ قويماسىنداعى «بىرگە – تازا قازاقستان» ەكولوگيالىق اكتسياسىن باستادى. سول كۇنى اكتسياعا 1,2 مىڭنان استام ادام قاتىسىپ, 10 توننادان استام قوقىس جينالدى.