الماتى قالاسىنداعى زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانادا «جاس قالام» اتتى جاس وقىرماندار ۇيىرمەسىنىڭ پوەزيا ساعاتىنا اقىن, «دارىن» مەملەكەتتىك سىيلىعىنىڭ لاۋرەاتى بەكجان اشىرباەۆ كەلدى. جاس وقىرماندارعا اقىندىق ونەردىڭ قىر-سىرلارى مەن ءوزىنىڭ شىعارماشىلىعى تۋرالى بايانداعان اقىن العاشقى ولەڭ جازعان ساتتەرىن ەسىنە الدى.
قازىرگى تاڭدا پوەزيا الەمىندە تەرەڭ ويلاردى جىرلاپ جۇرگەن اقىن جاستارعا ۇلتىمىزدىڭ قۇندىلىقتارى تۋرالى اڭگىمەلەپ, ادامگەرشىلىك, پاتريوتتىق تاربيە جونىندە ويلارىمەن ءبولىستى. حالقىمىزدىڭ تاريحىن, ءداستۇرىن, ونەرىن, ادەبيەتى مەن مادەنيەتىن ۇلتتىق قۇندىلىق رەتىندە باعالاپ, قۇرمەتتەي بىلەتىن تۇلعا قالىپتاستىرۋدى ماقسات ەتەتىن شارا اياسىندا
ش. ايمانوۆ اتىنداعى «قازاقفيلم» كينوستۋدياسى تۇسىرگەن تۇرىك قاعاناتىنىڭ باتىرى تۋرالى «كۇلتەگىن» مۋلتفيلم كورسەتىلىپ, كىتاپحانا قورىنداعى بالالارعا ارنالعان ادەبيەتتەر جايلى كەڭىنەن تانىستىرىلدى. بالالارعا كوركەم پوەزيا وقۋدىڭ مانەرى تۋرالى اقپارات بەرىلىپ, بالالاردى وڭالتۋ كابينەتىندە اشىلعان شاحمات, دويبى جانە تاعى باقا سپورتتىق ويىندار ۇيىمداستىرىلىپ, ءان ايتىلدى.