وسى ۋاقىت ارالىعىندا كومپانيا جاڭا سمارتفوننىڭ ديزاينى مەن تەحنيكالىق مۇمكىندىكتەرىن جاقسارتۋعا قاتىستى جۇمىس جۇرگىزگەنىن جانە العاشقى تانىستىرىلىمدا ورىن العان ولقىلىقتاردى تۇزەتۋگە تىرىسقانىن حابارلادى. تەلەفوننىڭ ەكرانى مەن قورعانىس قاباتى قايتا تەكسەرىلىپ, جينالاتىن بولىگىندەگى تەحنولوگيالار كۇشەيتىلگەن. جاڭا قۇرىلعى ءموبيلدى تەلەفوندار نارىعىندا جاڭالىق جاساۋعا نيەتتى.
Samsung-ءتىڭ العاشقى جينالمالى سمارتفونىنىڭ باعاسى ءالى بەلگىسىز. الايدا ساراپشىلار جاڭا قۇرىلعى 2 مىڭ دوللار شاماسىندا بولادى دەپ بولجاۋدا.
Samsung جينالمالى تەلەفونىن باسەكەلەسى قىتايلىق Huawei-دەن بۇرىن تانىستىرۋعا اسىعادى. سەبەبى Huawei دە وسى ايدا ءدال وسىنداي وڭاي پلانشەتكە اينالاتىن جاڭا جينالمالى تەلەفون ۇلگىسىن ساتىلىمعا شىعاراتىنىن حابارلاعان.
سونداي-اق قىركۇيەك ايى سمارتفوندار نارىعى ءۇشىن جاڭالىققا تولى بولماق. سالا الىپتارىنىڭ ءبىرى Apple ءوزىنىڭ ءۇش جاڭا iPhone 11 سمارتفوندار ۇلگىسىن تانىستىرادى دەپ كۇتىلۋدە.