قازىر «قازتەلەراديو» اق وبلىستىق فيليالىنىڭ مالىمەتىنشە وڭىردەگى اۋىلدىق جەرلەردە وتاندىق 15, ال قالالاردا 27 تەلەارنا تەگىن كورسەتىپ تۇر. بۇل – «تسيفرلى قازاقستان» باعدارلاماسىنىڭ مۇمكىندىگى.
جوبا 2012 جىلى باستالدى. وسى ۋاقىت ارالىعىندا وبلىس اۋماعىندا 29 راديوتەلەۆيزيالىق ستانسا سالىنىپ, جاڭعىرتىلدى.
ءسويتىپ, 385 اۋىلدىڭ 356-سى تسيفرلى ەفيرلىك حابار تاراتۋ ايماعىنا ەندى.
ال, قالعان 29 اۋىلدى «OTAU TV» ۇلتتىق جەرسەرىكتىك تەلەۆيزياسى قىزمەتتەرىنە قوسۋ جۇمىستارى جۇرگىزىلدى. ناتيجەسىندە وسى ۋاقىتقا دەيىن بۇل جۇيەگە 1630 ابونەنت تىركەلدى.
- انالوگتى حابار تاراتۋ جۇيەسىنەن تسيفرلىققا اۋىسۋ ەرەكشەلىگى – بەينە مەن دىبىستىڭ جوعارى ساپالى بولۋى, ءارى مامانداردىڭ بارلىق فۋنكتسيانى ونلاين-رەجيمدە باقىلاي الۋىندا,-دەيدى ماماندار.
وبلىس تۇرعىندارى جاڭا جۇيەگە قوسىلۋ ناتيجەسىندە بۇعان دەيىن انالوگتىق حابار تاراتۋدا بولماعان «قازسپورت», «ەلارنا», «KazakhTV», «بالاپان» سىندى ارنالاردان مازمۇندى باعدارلامالار مەن جاڭالىقتاردى, كوركەم جانە دەرەكتى فيلمدەردى تەگىن كورە الادى.
فيليال باسشىسى ايدار العازيننىڭ ايتۋىنشا, تسيفرلى ەفير تاراتۋعا كوشۋ – ۋاقىت تالابى. ۇكىمەت تسيفرلىق حابار تاراتۋدى ەنگىزۋ-ەلىمىزدەگى ۇدەمەلى يندۋستريالاندىرۋ جوبالارىنىڭ ءبىرى دەپ اتادى.
تسيفرلى تەحنولوگيانىڭ كەلۋى-ەكونوميكالىق جاعىنان وتە ءتيىمدى. ءارى تسيفرلى حابار تاراتۋدا تەلەديدارداعى كەسكىن ايقىن. سونداي-اق ارنالاردىڭ دىبىستالۋى دا ستەرەو جۇيەسىمەن بەرىلەدى.
ەگەر قانداي دا ءبىر تەحنيكالىق اقاۋعا بايلانىستى تسيفرلى حابار تاراتۋعا قوسىلۋ مۇمكىندىگى بولماسا نەمەسە وزگە دە ساۋالدار تۋىنداسا, call-ورتالىققا, ياعني 193 نومەرىنە, سونداي-اق ۇيالى تەلەفوننان 4343 نومىرىنە حابارلاسۋعا بولادى.
انالوگتى تەلەۆيزيانى ءوشىرىپ, تسيفرلى ەفيرلىك تەلەحابار تاراتۋعا تولىقتاي كوشۋ ەلىمزدە بەكىتىلگەن كەستەگە سايكەس جۇرگىزىلۋدە. جوبا 2021 جىلى اياقتالماق.