كەزدەسۋگە اكىمنىڭ ورىنباسارلارى ە.اۋكەنوۆ, ءى.وسەروۆ, الەۋمەتتىك ءال- اۋقات باسقارماسىنىڭ باسشىسى س.سايفەدەنوۆ, قوعامدىق دەنساۋلىق باسقارماسىنىڭ باسشىسى ق. توسەكباەۆ, ءبىلىم باسقارماسىنىڭ باسشىسى گ. قوجابەرگەنوۆا, قالالىق موبيلدىلىك باسقارماسىنىڭ باسشىسى س. تەلىباەۆ, مۇگەدەكتەردى رەابيليتاتسيالاۋمەن جانە كومەك كورسەتۋمەن اينالىساتىن ۇيىمداردىڭ وكىلدەرى قاتىستى.
كەدەرگىسىز كەڭىستىك جانە الەۋمەتتىك ينفراقۇرىلىم نىساندارىنا بەيىمدەۋ ماسەلەلەرى جان- جاقتى تالقىلاندى. بۇل ءىس بويىنشا جەكە ەمدەۋ مەكەمەلەرىمەن جۇمىستار جۇرگىزۋ ۇسىنىلدى.كولىك ينفراقۇرىلىمىنىڭ قولجەتىمدىلىگى, ونىڭ ىشىندە ارنايى قوعامدىق كولىكتىڭ, جاياۋ جۇرگىنشى وتەتىن جەرلەردە دىبىستى باعدارشامداردىڭ بولۋى ايتىلدى.قالالىق موبيلدىلىك باسقارماسىنىڭ مالىمەتى بويىنشا بيىلعى جىلى تومەن ەدەندى قوعامدىق كولىكتىڭ 73%-ىن جينالمالى پاندۋستارى بار اۆتوبۋستار قۇرايدى.جىل اياعىنا دەيىن بۇل كورسەتكىش 80%-عا دەيىن ارتادى.پاتولوگيانىڭ ەرتە دياگنوستيكاسى, بالالارعا ينكليۋزيۆتى ءبىلىم بەرۋ, مۇگەدەكتەردى رەابيليتاتسيالاۋ مەن ەڭبەكپەن قامتۋ ماڭىزدى ماسەلەلەر. «شىراق» مۇگەدەك ايەلدەر قاۋىمداستىعىنىڭ ءتورايىمى ءلاززات قالتاەۆا, «Altyn Time» مۇگەدەكتەر ۇيىمىنىڭ توراعاسى ساعات ومارعاليەۆ, الماتى قالالىق مۇگەدەكتەر قوعامداستىعى توراعاسىنىڭ ورىنباسارى ۇلان ىڭكاربەكوۆ, «سوقىرلاردىڭ قازاق قوعامداستىعى» قۇ الماتى قالالىق فيليالىنىڭ ءتورايىمى كابيرا قوڭىرباەۆا, «كەڭەس» قۇ ءتورايىمى مايرا سۇلەەۆا, «پودرانكي» مۇگەدەكتەر قۇ ءتورايىمى عاليا توباتاەۆا ءوز ويلارىن ورتاعا سالدى.كەڭەستىڭ قورىتىندىسى بويىنشا ب. ساعىنتاەۆ قوعامدىق دەنساۋلىق باسقارماسىنىڭ باسشىسى ق. توسەكباەۆقا جەكە ەمدەۋ مەكەمەلەرىنىڭ قولجەتىمدىلىگى بويىنشا جۇمىستار جۇرگىزۋدى تاپسىردى.
قوعامدىق دەنساۋلىق باسقارماسىنىڭ باسشىسى ق. توسەكباەۆ پەن ءبىلىم باسقارماسىنىڭ باسشىسى گ. قوجابەرگەنوۆاعا مۇمكىندىگى شەكتەۋلى جانداردىڭ قولجەتىمدىلىگى ءۇشىن نىساندارعا اۋديت جۇرگىزۋدى مىندەتتەدى. رەابيليتاتسيالىق ورتالىقتىڭ قۇرىلىسىن جۇرگىزۋ ماسەلەسى جەكە قارالاتىن بولادى. قالا باسشىسى قوعامدىق ۇيىمدار وكىلدەرىنە كوتەرىلگەن ماسەلەلەردى شەشۋ جانە ولاردىڭ جۇزەگە اسىرىلۋىن باقىلاۋ جونىندە قىسقا جانە ۇزاق مەرزىمدى باعدارلامالار ازىرلەۋگە قاتىسۋ جونىندە ۇسىنىس جاسادى.
- مەن اشىق اڭگىمە ءۇشىن ريزاشىلىعىمدى بىلدىرەمىن.پايدالى ديالوگ بولدى. سىزدەر كەمشىلىكتەردى كورسەتىپ, ولقىلىقتاردى ايتتىڭىزدار. بىردە - ءبىر ۇسىنىس قاراۋسىز قالمايدى, بارلىق پىكىرلەر ەسكەرىلەدى, كوتەرىلگەن ماسەلەلەردى بىرىگىپ شەشەمىز, - دەپ اتاپ ءوتتى الماتى اكىمى.جالپى, الماتىدا 43,2 مىڭ مۇگەدەك جاندار تۇرادى.