- قازاق حالقىنىڭ اقىنى, جازۋشى, فيلوسوف شاكارىم قۇدايبەردى ۇلىنىڭ شىعارماشىلىق مۇراسى - ۇرپاقتان-ۇرپاققا بەرىلىپ كەلە جاتقان بۇكىل ۇلتتىڭ رۋحاني بايلىعى,-دەدى ارعىنبەك احمەتجانوۆ,-شاكارىم ەڭبەكتەرى - قازاق حالقىنىڭ رۋحاني تاجىريبەسى مەن دانالىعىن بەينەلەيتىن ۇلتتىق مادەنيەتتىڭ بىرەگەي بولىگى. بۇگىنگى كەشتىڭ دە ماقساتى تاريحي-مادەني مۇرانى ناسيحاتتاۋ, وقىرمانداردىڭ تۋعان ولكە تاريحىنا, مادەنيەتىنە جانە سالت-داستۇرىنە دەگەن قۇرمەت سەزىمى مەن قىزىعۋشىلىعىن ارتتىرۋ بولىپ تابىلادى. ۇلتىمىزدىڭ مادەني كودىندا ەسىمدەرى التىن ارىپتەرمەن جازىلعان تۇلعالار بار دەسەك, سونىڭ ءبىرى دە بىرەگەيى شاكارىم. ونىڭ كوپ جانرلى پوەزيالىق شىعارمالارىنىڭ مازمۇنى وتە تەرەڭ. تۋىندىلارىندا ازاماتتىق جانە ماحاببات ليريكاسى, فيلوسوفيالىق ويلار, تاريحي باللادالار جانە باسقا دا كوپتەگەن تاقىرىپتار قامتىلعان.
كەش بارىسىندا شاكارىم قۇدايبەردى ۇلىنىڭ ولەڭدەرى وقىلىپ, شىعارمالارى تالقىلاندى. قاتىسۋشىلارعا سلايد-تۇساۋكەسەرى ۇسىنىلىپ, كىتاپ كورمەسىنە قويىلعان ادەبيەتتەرگە بيبليوگرافيالىق شولۋ جاسالدى. ادەبي كەشكە قاتىسۋشى ء انشى قايىرباي اقمىشەۆ شاكارىم ولەڭدەرىنە جازىلعان اندەردى ورىنداپ بەردى.