مەملەكەت باسشىسى قاسىم-جومارت توقاەۆ «Egemen Qazaqstan» گازەتىنىڭ بۇگىنگى سانىنا شىققان جۋرناليست سەرىك ابدىبەكتىڭ «قولدان جاسالعان بيلەت تاپشىلىعى» اتتى ماقالاسىن twitter-دەگى پاراقشاسىندا ءبولىستى.
«ۇكىمەتكە جاز مەزگىلىندە پويىز بيلەتتەرىنىڭ تاپشىلىعىن قولدان جاساۋدى توقتاتۋ تۋرالى تاپسىرما بەردىم. بۇل جاعداي ازاماتتارىمىزعا قولايسىزدىق تۋعىزىپ, ەلىمىزدەگى ىشكى ءتۋريزمنىڭ دامۋىنا كەدەرگى كەلتىرىپ وتىر», دەپ جازدى پرەزيدەنت twitter-دەگى پاراقشاسىندا.