الەۋمەتتىك جەلى ارقىلى تاراتىلعان جالعان اقپاراتتىڭ زيانى تيگەن كومپانيالاردىڭ قاتارىندا قىزىلوردالىق «ارالتۇز» اق مەن «بايدالا» جشس بار. ەكى كومپانياعا قاتىستى دا جالعان مالىمەت الەۋمەتتىك جەلى ارقىلى جولدانعان.
«ارالتۇز»-عا قاتىستى كومپانيانىڭ قىتايلىقتارعا ساتىلىپ كەتكەنى, سول ارقىلى تۇز ساپاسىنىڭ تومەندەيتىنى ايتىلسا, «بايدالانىڭ» كۇرىشىنە قاتىستى «ءونىم ساپاسىز» دەگەن سارىندا بەينەماتەريال تاراتىلعان.
«ءبىزدىڭ ءوندىرىپ وتىرعان ونىمدەرىمىزدىڭ ساپاسى كۇن سايىن ءتيىستى ورگاندارمەن تەكسەرىلىپ وتىرادى. ساپا جاعىنا كەلگەندە ءبىز وتە قاتاڭ قاداعالاۋدا ۇستايمىز. ونىڭ ۇستىنە «ارالتۇزدىڭ» ونىمدەرىنىڭ ۇشتەن ەكىسى شەتەلگە ەكسپورتقا شىعارىلادى. ەكسپورت ارقىلى الاتىن ەلدەر دە ءبىزدىڭ ونىمدەرىمىزدە ءجىتى تەكسەرەدى», - دەيدى «ارالتۇز» اق-نىڭ ۆيتسە-پرەزيدەنتى ەۆگەني كورول.
«بايدالا» جشس شىعاراتىن ءونىمنىڭ ساپاسىنا قاتىستى «قازاقستان اگرارلىق ساراپتاماسى» اق قىزىلوردا فيليالىنىڭ باسشىسى مەيرامبەك سەرىكباي دا پىكىرىن ءبىلدىردى.
«ءبىزدىڭ وبلىستا زاۋىتتا وندىرىلەتىن جانە ەكسپورتقا شىعارىلاتىن كۇرىشتەر ءۇش تەكسەرۋدەن وتەدى. ولار سايكەستىك سەرتيفيكاتى, كارانتيندىك سەرتيفيكاتى جانە ساپا سەرتيفيكاتى. ساپا سەرتيفيكاتىنان ءوتۋ ءۇشىن زاۆودتان شىققان كۇرىش ونىمدەرىنىڭ سىناماسى الىنىپ, تەكسەرۋدەن وتكىزىلەدى. قاپتىڭ موينىنداعى تۇپنۇسقاسىندا شىققان اۋىسىمى, مەرزىمى جازىلىپ تۇرادى. بەينەروليكتى تۇسىرگەن ازاماتتار كۇرىشتىڭ ساپاسىز ەكەندىگىن شىن مانىندە دالەلدەگىسى كەلسە كۇرىش قابىن كورسەتۋى قاجەت ەدى. حالىققا ايتارىم, قالتادان كەلگەن, تارەلكاداعى شىعۋ تەگى بەلگىسىز كۇرىشتەرگە سەنبەڭىزدەر. وبلىس ديحاندارى رەسپۋبليكاداعى كۇرىشتىڭ 80 پايىزىن وندىرەدى. ءبىزدىڭ ايماقتا وندىرىلەتىن كۇرىشتەردىڭ بۇرىن 20-30 پايىزى عانا شىعاتىن بولسا, قازىر 70 پايىزى ەكسپورتقا شىعارىلادى. سوندىقتان دا ءبىزدىڭ ءوڭىردىڭ كۇرىشى تۋرالى جالعان اقپارات تاراتۋ قيسىنسىز تىرلىك. «بايدالانىڭ» كۇرىشى ساپالى, حالىق تۇتىنىپ جوعارى باعاسىن الىپ جۇرگەن, ەكسپورتتا سۇرانىسقا يە ءونىم», - دەدى.
ەرەكشە توقتالعان ءجون, بۇگىندە ەكى كومپانياعا قاتىستى جاعداي «اتامەكەن» ۇكپ, جەرگىلىكتى اتقارۋشى ورگاندار, سونداي-اق ىشكى ىستەر ورگاندارى ارقىلى باقىلاۋعا الىنىپ, كاسىپكەرلەرگە جان-جاقتى كومەك كورسەتىلۋدە.
اتاپ ايتقاندا, «Atameken Channel» كانالىنداعى «ناشە دەلو» باعدارلاماسى ارقىلى, كاسىپكەرلەر پالاتاسىنىڭ, وبلىس اكىمدىگىنىڭ دەر كەزىندە ۇيىمداستىرعان ءباسپاسوز ءماسليحاتتارى ارقىلى كاسىپكەرلەرگە اقپاراتتىق قولداۋ كورسەتىلدى.
قىزىلوردا وبلىسى.