وقيعا شالعايداعى عابيت مۇسىرەپوۆ اۋدانىندا ورىن العان. ءتارتىپ ساقشىلارى رۋزاەۆكا-ۆوزۆىشەنكا اۆتوجولىندا سۋىت ءجۇرىستى گاز-330210 كولىگىن توقتاتتى. اۆتوكولىكتى تەكسەرۋ بارىسىندا 5 ليترلىك پلاستيك بوتەلكەلەرگە قۇيىلعان 900 ليتردەن استام سپيرتتىك ءونىم تابىلعان. كولىك جۇرگىزۋشىسى قاجەتتى جۇك قۇجاتتارىن كورسەتە الماعان.
«الكوگول ونىمدەرىن ساتۋ بارىسىندا كوپتەگەن زاڭبۇزۋشىلىقتارعا جول بەرىلەدى. ەڭ ءجيى كەزدەسەتىنى – 21 جاسقا تولماعاندارعا جانە تۇنگى ساعات 23.00-دەن كەيىن ىشىمدىك ساتۋ. سونداي-اق قولدان جاسالعان سپيرتتىك ونىمدەردى بەلگىلەنگەن باعادان تومەن ساتقان دەرەكتەر دە انىقتالدى. وسىنداي زاڭبۇزۋشىلىقتارعا جول بەرگەنى جانە الكوگولدى ءتيىستى قۇجاتتارسىز ساتقانى ءۇشىن 12 ادام اكىمشىلىك جاۋاپقا تارتىلدى. 369 شولمەك سپيرتتىك ءونىم اينالىمنان الىندى», دەيدى ع.مۇسىرەپوۆ اۋدانى پوليتسيا ءبولىمىنىڭ باستىعى ايدوس ىدىرىسوۆ.
وبلىس بويىنشا جىل باسىنان سپيرتتىك ىشىمدىكتەردى ساتۋدا 218 زاڭبۇزۋشىلىق تىركەلگەن. ونىڭ 136-ى زاڭسىز ساۋداعا قاتىستى. ناتيجەسىندە 615 ليتر ءونىم اينالىمنان الىندى.
سولتۇستىك قازاقستان وبلىسى