سارسەنبى, 8 مامىر 2013 1:50
«قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا مەملەكەت باسشىسى جاقىن كەلەشەكتەگى ەل دامۋىنىڭ باستى باعىتىن بەلگىلەپ بەرگەنى ءمالىم. وسى باعدارلامادا جاريا ەتىلگەن پرەزيدەنت نۇرسۇلتان نازارباەۆتىڭ يدەيالارى قازاقستاندىق مۇناي-گاز وپەراتورى «قازمۇنايگاز» بارلاۋ ءوندىرۋ» اق ءوندىرىسى دامۋىنىڭ ۇزدىك باعدارىنا اينالدى. ءوندىرىستىڭ بارلىق سالاسىنداعى ەكونوميكالىق كورسەتكىشتەردى ايتارلىقتاي جاقسارتۋمەن قاتار, ءوندىرىستى وركەندەتىپ, ءبىلىمى مەن كۇش-قايراتىن مەملەكەتىمىزدىڭ الەۋەتىنىڭ دامۋىنا جۇمساپ جۇرگەن ەڭبەك ادامىنا بارىنشا جاقىن بولۋ – جۇمىس بەرۋشى ءۇشىن باستى قاجەتتىلىك.
سارسەنبى, 8 مامىر 2013 1:50
«قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا مەملەكەت باسشىسى جاقىن كەلەشەكتەگى ەل دامۋىنىڭ باستى باعىتىن بەلگىلەپ بەرگەنى ءمالىم. وسى باعدارلامادا جاريا ەتىلگەن پرەزيدەنت نۇرسۇلتان نازارباەۆتىڭ يدەيالارى قازاقستاندىق مۇناي-گاز وپەراتورى «قازمۇنايگاز» بارلاۋ ءوندىرۋ» اق ءوندىرىسى دامۋىنىڭ ۇزدىك باعدارىنا اينالدى. ءوندىرىستىڭ بارلىق سالاسىنداعى ەكونوميكالىق كورسەتكىشتەردى ايتارلىقتاي جاقسارتۋمەن قاتار, ءوندىرىستى وركەندەتىپ, ءبىلىمى مەن كۇش-قايراتىن مەملەكەتىمىزدىڭ الەۋەتىنىڭ دامۋىنا جۇمساپ جۇرگەن ەڭبەك ادامىنا بارىنشا جاقىن بولۋ – جۇمىس بەرۋشى ءۇشىن باستى قاجەتتىلىك.
وندىرىستەگى الەۋمەتتىك جاڭعىرۋ ءۇردىسى قالاي جۇرگىزىلۋى ءتيىس؟ ءبىزدىڭ ورتاق ماقساتىمىز جاڭا يندۋستريالىق-يننوۆاتسيالىق ەكونوميكانىڭ جاعدايىنا قوعامدى دايىنداۋ, قازاقستاننىڭ ۇدەمەلى ەكونوميكالىق دامۋى مەن كەڭ قامتىلعان قوعامدىق ءال-اۋقات اراسىنداعى ۇتىمدى تەپە-تەڭدىكتى تابۋ, قۇقىق جانە ادىلدىك قاعيداتتارىنا نەگىزدەلگەن الەۋمەتتىك قاتىناستاردى بەكىتۋ. قازاقستان پرەزيدەنتى «ەلدىڭ, الدىڭعى كەزەكتە الەۋمەتتىك جۇيەنىڭ جاڭعىرۋىنا مەملەكەتتىك ەمەس سەكتوردىڭ قاتىسۋىن كەڭەيتۋ ءۇشىن جاعداي جاساۋ, الەۋمەتتىك سەرىكتەستىكتى بەلسەندى دامىتۋ ماڭىزدى» دەپ اتاپ كورسەتكەن بولاتىن.
مەملەكەت باسشىسىنىڭ الەۋمەتتىك جاڭعىرۋ باعدارلاماسىن ىسكە اسىرۋ جونىندە قويعان مىندەتتەرىنە وراي جوعارى ەڭبەك ونىمدىلىگى ءۇشىن, ءار جۇمىسشىنىڭ ءوزىن دامىتۋىنا باستى جاعداي رەتىندە ەركىن جانە ءادىل ەڭبەككە جاعداي جاساپ, ءبىز ءوزىمىزدىڭ الەۋمەتتىك ساياساتىمىزدى بەيىمدەۋگە ءتيىسپىز.
كوپتەگەن ساراپشىلار پرەزيدەنت باستاماسىن جالپى وندىرىستەگى جۇمىسقا قولدانىستاعى باعىتتار مەن قاعيداتتاردى جاڭارتۋ تۇرعىسىنان قاراۋ قاجەتتىلىگىن قۇقىقتىق نەگىزدى دەپ ەسەپتەيدى. الەۋمەتتىك جاڭعىرۋدىڭ نەگىزگى ماقساتتارىندا – بۇقارالىق الەۋمەتتىك بىرەۋگە ارقا سۇيەۋشىلىك جانە الەۋمەتتىك بەيقامدىقتى, تۇتىنۋشىلىق قوعام تۇجىرىمىنان تولىقتاي باس تارتۋ, ەڭبەك ادامىنىڭ بەدەلىن ارتتىرۋ, تازا جانە ءادىل ەڭبەككە ىقىلاستى تۋدىرۋ, جاس ماماندار ءۇشىن ءۇزىلىسسىز كاسىبي وسۋگە جاعداي جانە ىسكە اسىرۋ تەتىكتەرىن جاساۋدى نازاردان شىعارماۋ كەرەك.
«قازمۇنايگاز» بارلاۋ ءوندىرۋ» اق-عا قاتىستى ايتار بولساق, قىزمەت ەتۋ ايماعىنداعى الەۋمەتتىك ماسەلەلەردى شەشۋگە قاتىسۋ – بيزنەستى جۇرگىزۋدەگى نەگىزگى قاعيداتتار جانە ول ۇدايى ىسكە اسىرىلىپ كەلەدى. قمگ ءبو قىزمەتىندەگى الەۋمەتتىك باعىت ءبىرىنشى كەزەكتە كومپانيانىڭ جانە ارالاس وندىرىستەرىندەگى جۇمىسشىلارى مەن ولاردىڭ وتباسى مۇشەلەرىنىڭ تۇرمىس جاعدايىن جاقسارتۋمەن بايلانىستى. كومپانيانىڭ ءوز اكتيۆتەرىن عانا ەسەپكە العاندا 21 مىڭنان استام ادام (بىرلەسكەن كاسىپورىندارداعى ۇلەستى ەسەپتەمەگەندە) جۇمىس ىستەيدى, ال حالىقتى كەڭىنەن قامتىعاندا ايتارلىقتاي اۋقىمدى. قمگ ءبو كومپانيالار توبىنداعى قالا قالىپتاستىرۋشى كاسىپورىندار الەۋمەتتىك ينفراقۇرىلىمداردى دامىتۋ جونىندەگى جانە الەۋمەتتىك جۇمىس ورىندارىن قۇرۋدى قارجىلاندىرۋ نەگىزگى شىعىندارىن ءوز مىندەتتەرىنە الدى. 2012 جىلى قمگ ءبو وندىرىستىك فيليالدارى اكتسيونەرلىك قوعامدار بولىپ قايتا قۇرىلىپ, جەرگىلىكتى الەۋمەتتىك جوبالارعا تاپسىرىستاردى دەربەس قابىلداۋعا, بۇل جوبالاردىڭ قارجىلاندىرۋ كولەمىن ەسەپتەۋگە جانە ولاردىڭ ىسكە اسىرىلۋىن باقىلاۋعا قۇقىق الدى.
مىسالى, قمگ ءبو-ءنىڭ ماڭعىستاۋ وبلىسىنىڭ الەۋمەتتىك ينفراقۇرىلىمدارىن دامىتۋعا كەلىسىمشارتتىق مىندەتتەمەسى 2012 جىلى 907,4 ملن. تەڭگەنى قۇرادى. ماڭعىستاۋ وبلىسىنىڭ اكىمدىگىمەن الەۋمەتتىك سەرىكتەستىك باعدارلاماسى اياسىندا قوسىمشا 200 ملن. تەڭگە (1,3 ملن. اقش دوللارى) قاراجات جاڭاوزەن قالاسىنىڭ تۇرعىندارىنا 800-دەن كەم ەمەس جۇمىس ورىندارىن قۇرۋ ءۇشىن ءبولىندى. بۇدان باسقا ءبىزدىڭ «كرۋز»جشس, «جوندەۋ»جشس, كازگوز جانە باسقا سەرۆيستىك كومپانيالارى ماۋسىمارالىق جازعى كەزەڭدە قوسىمشا جۇمىسشىلاردى ەڭبەككە تارتادى. ماسەلەن, 2012 جىلدىڭ جازىندا 232 ادام جۇمىس ىستەدى, بيىلعى جىلى 90 ادامدى ەڭبەككە تارتۋ جوسپارلانىپ وتىر.
بۇدان وزگە, 2011 جىلدىڭ جەلتوقسانىنداعى جاپپاي تارتىپسىزدىك كەزىندە قازا بولعان جانە زارداپ شەككەن وتباسىلارىنا ماتەريالدىق كومەك كورسەتىلدى. 2012 جىلدىڭ سوڭىندا جاڭاوزەن قالاسىندا قمگ ءبو قارجىسىنا سالىنعان 200 پاتەرلىك تۇرعىن ءۇي پايدالانۋعا بەرىلدى. جاڭا قونىس يەلەرىنە (از قامتىلعان وتباسىلارى, اۋعان سوعىسىنىڭ ارداگەرلەرى, الەۋمەتتىك قىزمەتكەرلەر) باسپانا كىلتىن وسى وڭىرگە ساپارى بارىسىندا قر پرەمەر-ءمينيسترى سەرىك احمەتوۆتىڭ تاپسىرعانى ءمالىم.
جەكەلەگەن وڭىرلەر ءۇشىن وسىنداي وزەكتى ماسەلەلەردەن باسقا, ءبىزدىڭ قاسيەتتى بورىشىمىز سانالاتىن ماڭگىلىك قۇندىلىقتار بار. ماسەلەن, قمگ ءبو بالالار ۇيلەرىنە, مۇگەدەكتەر قوعامىنا, سپورتتىق ۇيىمدارعا جانە ۇلى وتان سوعىسى ارداگەرلەرىنە كومەك كورسەتە وتىرىپ, قايىرىمدىلىق ىسىنە ۇلكەن ماڭىز بەرەدى.
اتاپ ايتۋ قاجەت, قمگ ءبو بارلىق قىزمەت ايماعىنداعى الەۋمەتتىك باعدارلامالارعا تەڭ جاعدايدا كوڭىل بولەدى جانە ىسكە اسىرىپ كەلەدى. الايدا كومەك, وبلىستارداعى ماسەلەنىڭ قوردالانۋى جانە ونىڭ تۋىنداۋ وزەكتىلىگىن ەسەپكە الا وتىرىپ كورسەتىلەدى. مىسالى, قمگ ءبو-ءنىڭ اتىراۋ وبلىسىنداعى الەۋمەتتىك ينفراقۇرىلىمداردى دامىتۋعا كەلىسىمشارتتىق مىندەتتەمەسى 286,6 ملن. تەڭگەنى قۇرايدى. مىندەتتى تولەمنەن باسقا 2012 جىلى 350 ملن. تەڭگە (2,3 ملن. اقش دوللارى) سوماسىنداعى الەۋمەتتىك جوبالاردى ىسكە اسىرۋعا دەمەۋشىلىك كومەك كورسەتىلدى. بۇل قاراجاتتار وڭىردەگى بەس دەنە شىنىقتىرۋ-ساۋىقتىرۋ كەشەندەرىنىڭ قۇرىلىسىن تامامداۋعا, جىلۋ جۇيەسىن قايتا جوندەۋدى قارجىلاندىرۋعا, كوپ قاباتتى ۇيلەردىڭ اۋلاسىن جايلاستىرۋعا جانە يندەربور كەنتىندەگى از قامتىلعان وتباسىلارىنىڭ جىلۋ قازاندىقتارىن قۇرۋعا, يساتاي اۋدانىنىڭ ح.ەرعاليەۆ اۋىلىنداعى 100 ورىندى بالاباقشا قۇرىلىسىن جوبالاۋعا جانە سالۋدى قارجىلاندىرۋعا جۇمسالدى.
وتكەن جىلى كومپانيا ۇتىمدى جانە دەر كەزىندە ۇيىمداستىرىلعان شارانى ىسكە اسىردى. توقتالىپ وتسەك, 2012 جىلدىڭ كوكتەمىندە قمگ ءبو ديرەكتورلار كەڭەسى بايشوناس جانە ەسكەنە اۋىلدارىنىڭ تۇرعىندارىن وبلىس ورتالىعى اتىراۋ قالاسىنا كوشىرۋگە 5,4 ملرد. تەڭگە قارجى ءبولۋ تۋرالى شەشىم قابىلدادى. ءسوز «ەمبىمۇنايگاز» يگەرىپ جاتقان, اتتاس كەن ورىنداردا جۇمىس ىستەيتىن, جەرگىلىكتى تۇرعىندار تۇرعان, بايشوناس جانە ەسكەنە ەلدى مەكەندەرى تۋرالى بولىپ وتىر. بۇل كاسىپشىلىكتەردە 80 جىلدان استام ۋاقىتتان بەرى جۇمىس ءجۇرىپ كەلەدى, مۇناي قورى سارقىلۋدا, سوندىقتان دا كەن ورنىنىڭ تيىمدىلىگى جانە ەلدى مەكەن تۇرعىندارىن ەڭبەكپەن قامتۋ ماسەلەسى وتكىر تۇردى. مۇناي ءوندىرۋدىڭ تومەندەۋىمەن مۇندا جۇمىسسىزدىق ۇلعايا باستادى, اۋىلدىڭ الەۋمەتتىك-ينجەنەرلىك ينفراقۇرىلىمى تىعىرىققا تىرەلدى. جەرگىلىكتى اپاتتىق جاعدايلاردىڭ اۋقىمىنا كەلسەك, ۇيلەردىڭ 80%-ى ەسكىرىپ توزعان جاعدايدا تۇردى, سۋ قۇبىرىنىڭ ىستەن شىعۋىنا بايلانىستى تۇرعىن ۇيلەردى سۋمەن قامتۋ مۇمكىندىگى بولمادى. ەندى مۇنىڭ بارلىعى دا وتكەننىڭ ەنشىسىندە قالدى. بۇگىنگى كۇنى بۇعان دەيىن ەسكەنە اۋىلىندا تۇرعان 80 وتباسى اتىرۋ قالاسىنا قونىس اۋداردى. بايشوناس اۋىلىنىڭ 377 وتباسىنىڭ كوشىرىلۋى بىرنەشە كەزەڭمەن جۇزەگە اسىرىلادى جانە 2013 جىلى ءتامامدالاتىن بولادى.
الەۋمەتتىك ماسەلەلەرمەن قاتار ءبىز ءوندىرىس جاعدايىن دا نازاردا ۇستاۋىمىز كەرەك. بارشاعا ءمالىم, زاماناۋي ەكونوميكالىق جاعدايدا قوعامنىڭ الەۋمەتتىك-ەكونوميكالىق ءال-اۋقاتىنا جۇمىس ورىندارىندا قاۋىپسىز جانە دۇرىس ەڭبەك ەتۋ جاعدايىن جاساۋ ايتارلىقتاي اسەر ەتەدى. بۇل ماقساتتارعا, سونداي-اق مۇناي ءوندىرۋ كولەمىن كوتەرۋ جانە وندىرىستىك اكتيۆتەردىڭ ەكونوميكاسىن جاقسارتۋ ءۇشىن 2012 جىلى قمگ ءبو تەحنولوگيالىق جاڭعىرتۋ باعدارلاماسىن ىسكە اسىرۋدى باستادى.
وزەن كەن ورنىنداعى وندىرىستىك قۋاتتىلىقتى جاڭعىرتۋ جونىندەگى كومپانيا ىسكە اسىرىپ وتىرعان جوبالاردىڭ كولەمى اسا اۋقىمدى. «وزەنمۇنايگاز» اق-دا دياگنوستيكا جانە جەراستى جابدىقتارىن جوندەۋگە ارنالعان تسەح سالىندى. جاڭا تسەح جاقىن كەزەڭدە كومپانيانىڭ جاڭادان جەراستى جابدىقتارىن ساتىپ الۋىنا, قولدانىستاعى قوردىڭ جوندەلۋى جانە ولاردىڭ وندىرىستىك ۇردىستەرگە بىرنەشە رەت پايدالانۋى ەسەبىنەن شىعىندارىن ۇنەمدەۋگە مۇمكىندىك بەرەدى. ءبىر تسەحتىڭ قۋاتتىلىعى جىل ىشىندە 400 مىڭ دانا سوراپتىق-كومپرەسسورلىق قۇبىردى, 300 مىڭ دانا سوراپتىق شتانگانى جانە 10 مىڭ شتانگالىق تەرەڭدىك سوراپتى جوندەۋگە جەتكىلىكتى. تسەح قۇرىلىسىنا «قازمۇنايگاز» ءبو» اق 4,799 ملرد. تەڭگە قاراجات ءبولدى.
سونداي-اق كاسىپورىندارداعى ءوندىرىستىك جانە ەكولوگيالىق قاۋىپسىزدىك دەڭگەيى ارتادى. دياگنوستيكا جانە جەراستى جابدىقتارىن جوندەۋ تسەحىنىڭ جۇمىسشىلارى ءۇشىن ارنايى وقۋ-جاتتىعۋ ترەنينگ باعدارلاماسى دايىندالدى. كومپانيا «قۇمكول» وڭىرلىك سەرۆيستىك ورتالىعىندا, رەسەي فەدەراتسياسىنىڭ پەرم جانە نويابرسك قالالارىنىڭ وقىتۋ ورتالىقتارىندا ءوز قىزمەتكەرلەرىنىڭ وقىتۋ شاراسىن ۇيىمداستىردى. سونىڭ ناتيجەسىندە «وزەنمۇنايگاز» اق-تىڭ 30-دان استام مامانى جوعارى تەحنولوگيالىق جابدىقتا جۇمىس ىستەۋ تاجىريبەسىنە ماشىقتاندى. ياعني, مەملەكەت باسشىسىنىڭ قازاقستان حالقىنا جولداۋىندا بەلگىلەنگەن باعدارعا سايكەس, كومپانيا بارلىق دەڭگەيدەگى قىزمەتكەرلەرىنىڭ ەڭبەك ەتۋ جاعدايىن جاقسارتۋ ءۇشىن ناقتى شارالاردى قابىلداپ, ءوز كاسىپورىندارىندا كەڭ كولەمدەگى الەۋمەتتىك جاڭعىرتۋ جۇمىستارىن جۇرگىزىپ جاتىر.
دياگنوستيكا جانە جەراستى جابدىقتارىن جوندەۋ تسەحىنىڭ قۇرىلىسىمەن قاتار ءبىرىنشى كەزەكتە بۇرعىلاۋ جۇمىستارى باسقارماسى وندىرىستىك بازاسىنىڭ, قاراجانباس جانە قالامقاس كەن ورىندارىندا ۆاحتالىق قالاشىقتىڭ, «وزەنمۇنايگاز» اق-تا جاتاقحانا جانە اسحانانىڭ پايدالانۋعا بەرىلۋى – ءبىزدىڭ كاسىپورىندارداعى اۋقىمدى تەحنولوگيالىق جاڭعىرتۋدىڭ باستاماسى عانا. سوندىقتان دا, ونىڭ ىشىندە وزەن كەن ورنىن تەحنولوگيالىق جاڭعىرتۋ باعدارلامالارى ودان ءارى جالعاساتىن بولادى. كەزەكتە – كەن ورىندارىندا جاڭا وندىرىستىك بازالاردىڭ قۇرىلىسى. شىنتۋايتىندا, جوسپار كوپ. جاڭعىرتۋ باعدارلاماسى اياسىندا «وزەنمۇنايگاز» اق-تا مۇناي بازاسىنىڭ قۇرىلىسى, ۇڭعىلاردى باستىرۋ ءۇشىن سۇيىقتىقتى دايىنداۋ جونىندەگى ەكى ۋچاسكەنىڭ, مۇناي جابدىقتارىنا سەرۆيستىك قىزمەت كورسەتۋ جونىندەگى تسەحتىڭ, مۇناي جابدىقتارىن جوندەۋ تسەحىنىڭ, 1000 بىرلىك اۆتوكولىككە جانە ارنايى تەحنيكاعا قىزمەت كورسەتۋ جونىندەگى اۆتوسەرۆيستىك ورتالىقتىڭ قۇرىلىسى جوسپارلانعان, بلوكتىق شوعىرلاندىرىلعان سوراپتار ستانساسى قاباتىنا سۋ ايداۋ جانە سۇيىقتىقتى جيناۋ جانە تاسىمالداۋ جۇيەلەرى قايتا جاڭارتىلاتىن بولادى. سونىمەن بىرگە, اتىراۋ وبلىسىندا جۇمىس ىستەپ تۇرعان «ەمبىمۇنايگاز» اق-تىڭ پرورۆا كەن ورىندارى توبىندا ىلەسپە گازدى كۇكىرتتەن تازارتۋعا ارنالعان جابدىق سالىنادى, پرورۆا جوپ جانە تەڭىز ماس مۇناي قۇبىرى قايتا جاڭعىرتىلاتىن بولادى.
قازىرگى ۋاقىتتا س.بالعىمباەۆ جانە شىعىس ماقات كەن ورىندارىندا ىلەسپە گازدى كادەگە جاراتۋعا ارنالعان جابدىقتى تۇرعىزۋ جۇمىستارى جۇرگىزىلۋدە. ۇزاقتىعى 61 شاقىرىمدى قۇرايتىن اقىنگەن – اققۇدىق – قيسىمباي جوعارى قىسىمدى گاز قۇبىرى سالىنۋدا. بۇدان باسقا قىزمەتكەرلەر مەن جۇكتەردى تاسىمالداۋ ءۇردىسىن ايتارلىقتاي جەدەلدەتۋگە مۇمكىندىك بەرەتىن جاڭا كەنىشارالىق جولدار سالىنىپ جانە قولدانىستاعىسى جوندەلەتىن بولادى.
تەحنولوگيالىق جاڭعىرتۋ باعدارلاماسى اياسىندا قولدانىلعان شارالار ءوندىرىس تيىمدىلىگىن ارتتىرۋعا, جۇمىسشىلاردىڭ ەڭبەك ەتۋ جاعدايىن جاقسارتۋعا, ەكولوگيالىق جانە وندىرىستىك قاۋىپسىزدىكتى نىعايتۋعا ىقپال ەتۋى ءتيىس.
پرەزيدەنت بەلگىلەگەن مىندەتتەرمەن ۇندەسىپ, جۇمىسسىزدىق ماسەلەسىن شەشۋگە, قمگ ءبو ۇلەستىك قاتىسۋىنداعى كاسىپورىندار جۇمىسشىلارى وتباسىلارىنىڭ الەۋمەتتىك قامتىلۋى, دەنساۋلىق جاعدايلارىنا كوپ كۇش جۇمسالۋدا. ماسەلەن, قىزىلوردا وبلىسىنداعى «قازگەرمۇناي» بك» جشس-دا كاسىپورىن بارلىق قىزمەتكەرلەرىنىڭ تەگىن مەديتسينالىق تەكسەرۋدەن وتۋگە مۇمكىندىگى بار, جۇمىسكەرلەردىڭ جىل سايىن شيپاجايدا دەنساۋلىقتارىن جاقسارتۋلارىنا قاراجات بولىنەدى. كومپانيا قىزمەتكەرلەرىنىڭ جانە ولاردىڭ وتباسى مۇشەلەرىنىڭ سپورتتىق ينفراقۇرىلىمدارعا قولجەتىمدىلىگىن قامتاماسىز ەتىپ, سپورتتىڭ بۇقارالىق تۇرلەرىن دامىتۋدا. كاسىپورىن كومپانيا جۇمىسكەرلەرىنە ۇجىمدىق شارتتا كورسەتىلگەن ماتەريالدىق كومەكتى كورسەتەدى, قىزمەتكەرلەر بالالارىنىڭ وقۋ اقىسىنا جانە ت.ب كومەك جاسالادى. بۇدان باسقا 2012 جىلى زەينەتكەرلەردى جانە كومپانيا ارداگەرلەرىن قولداۋ جونىندە بىرقاتار شارالار وتكىزىلدى, كومپانيا ارداگەرلەرىنىڭ «ارداگەر-مۇنايشى» قوعامدىق قورى قۇرىلدى.
بارلىق بيزنەس وكىلدەرىنىڭ الەۋمەتتىك جاۋاپكەرشىلىگى سياقتى قمگ ءبو ءوزى قىزمەت ەتىپ وتىرعان وڭىرلەردىڭ ينۆەستيتسيالىق تارتىمدى احۋالىن قۇرۋ ءۇشىن ايتارلىقتاي ماڭىزعا يە ۇزاق مەرزىمدى جوبالارعا قاتىسادى. مىسالى, وسى جىلدىڭ ناۋرىزىندا قىزىلوردا وبلىسىنىڭ اكىمدىگى مەن «قازگەرمۇناي» بك» جشس اراسىندا الەۋمەتتىك-ەكونوميكالىق جۇيەدەگى ءوزارا ىنتىماقتاستىق جانە ارىپتەستىك تۋرالى مەموراندۋمعا قول قويىلدى. قولجەتكەن كەلىسىمدەرگە سايكەس, كومپانيا قىزىلوردا قالاسىنداعى قورقىت اتا اتىنداعى اۋەجايدىڭ 200 ادامعا ارنالعان جاڭا تەرمينالىن قايتا جوندەۋ بويىنشا جوبالىق-سمەتالىق قۇجاتتاردى جانە جوبانىڭ تەحنيكالىق-ەكونوميكالىق نەگىزدەمەسىن دايىنداۋعا وڭىرگە كومەك كورسەتەدى.
وسى ماقساتقا «قازگەرمۇناي» 150 ملن. تەڭگە كولەمىندە قايتارىمسىز قاراجات ءبولىپ وتىر. بۇل وتە ماڭىزدى جوبا, سەبەبى كەز كەلگەن وبلىستىڭ قاقپاسى اۋەجايدان باستالادى. الەۋەتتى ينۆەستورلاردىڭ دا العاشقى قادامى وسى اۋەجايدان باستاۋ الادى. سوندىقتان دا جەر قويناۋىن يگەرۋشى كومپانيالار مەن جەرگىلىكتى اتقارۋ ورگاندارىنىڭ بىرلەسە كۇش سالۋ قاجەتتىلىگى البەتتە سونىڭ ايعاعى.
وسىلايشا, قمگ ءبو ءوزىن وڭ نيەتتى جەر قويناۋىن يگەرۋشى جانە الەۋمەتتىك جاۋاپتى كومپانيا رەتىندە كورسەتە ءبىلدى. بۇگىنگى كۇنى قمگ ءبو مىندەتى – وسى بەدەلگە ساي بولۋ, ودان ءارى ءوسۋدى ۇيلەسىمدى ساباقتاستىرۋ, مەملەكەت باسشىسىنىڭ ءبىزدىڭ الدىمىزعا قويعان اۋقىمدى مىندەتتەرمەن ۇندەستىكتە قىزمەت ەتىپ وتىرعان وڭىرلەر دامۋىنداعى جۇمىستاردى جالعاستىرۋ بولىپ تابىلادى.
ابات نۇرسەيىتوۆ,
«قازمۇنايگاز» بارلاۋ ءوندىرۋ»
اق باس ديرەكتورى.