مارتەبەلى مەيماندارعا قىزىلجار ءوڭىرىنىڭ ەكونوميكالىق الەۋەتى تانىستىرىلىپ, ينۆەستورلارعا قولايلى جاعداي جاسالاتىنى, اگرارلى ولكەنىڭ قۇنارلى جەرىن ءتيىمدى پايدالانۋ تاجىريبەسى ورتاعا سالىندى.
« مۇحيتتىڭ ارعى بەتىندەگى الپاۋىت مەملەكەتتىڭ اۋىل شارۋاشىلىعى تەحنيكاسى باسەكەگە قابىلەتتى ەكەنىن جاقسى بىلەمىز. ەگىس القاپتارىندا “John Deere” فيرماسىنىڭ تەحنيكالارى كەڭىنەن قولدانىلادى. الداعى ۋاقىتتا اتالمىش فيرما ءوز فيليالىن اشۋعا نيەت تانىتسا دەگەن ويىمىز بار. ءبىزدىڭ ءوڭىر توعىز جولدىڭ تورابىندا ورنالاسقاندىقتان, اۋىل شارۋاشىلىعى تەحنيكاسىنا سۇرانىس ۇلكەن. ءتىپتى, رەسەيدىڭ ءسىبىر ايماعىنا جىبەرۋگە دە جول اشىلار ەدى. سونىمەن قاتار ەگىس القاپتارىنىڭ ونىمدىلىگىن ارتتىرۋدا, اۋىل شارۋاشىلىعى ماماندارىن دايارلاۋدا تاجىريبە الماسقىمىز كەلەدى»,دەگەن ءوڭىر باسشىسى جەرگىلىكتى اگرارشىلار جاڭاشىلدىقتاردى تولىق يگەرە الماي وتىرعانىن جەتكىزدى.
قىزىلجار ءوڭىرىنىڭ تابيعاتى, وبلىس ورتالىعىنىڭ تاريحي ساۋلەتى كوز تارتاتىنىن ايتقان اقش-تىڭ قازاقستانداعى ەلشىسى ۋيليام موزەر قوس تاراپتىق ىسكەرلىك بايلانىس ورناتۋىنا نيەتتى جانە قولداۋ تانىتۋعا ءازىر ەكەنىن ايتتى.
سولتۇستىك قازاقستان وبلىسى