وبلىس اكىمى ماسەلەنى انىقتاپ, شەشۋ جولدارىن قاراستىردى. اۋدان باسشىسى ءمادي ەلەۋسىزوۆكە بەلقوپا اۋىلىنداعى جوندەۋى اياقتالماعان ەكى بىردەي ۇڭعىمانىڭ جوبالىق سمەتالىق قۇجاتتارىن جيناقتاپ, تەز ارادا اۋىل تۇرعىندارىن اۋىز سۋمەن قامتۋ ماسەلەسىن شەشۋدى تاپسىردى. ال, جاروتكەل اۋىلى بيىل گازبەن قامتىلادى.
ايتەكە بي اۋدانىندا 2018 جىلى وبلىستىق بيۋدجەت ەسەبىنەن جالپى قۇنى 376,6 ملن تەڭگەنى قۇرايتىن 2 گازبەن جابدىقتاۋ نىساندارى جۇزەگە اسىرىلىپ, پايدالانۋعا ەنگىزىلگەن. سونىمەن قاتار رەسپۋبليكالىق جانە وبلىستىق بيۋدجەتتەن قارجىلاندىرۋمەن 5 گازبەن جابدىقتاۋ جوبالارىن جۇزەگە اسىرۋ باستالدى. جوبالاردىڭ ىشىندە وسى جاروتكەلدى اۋىلىشىلىك گاز قۇبىرىمەن قامتۋ قاراستىرىلعان. اتالعان 5 جوبانى 2019-2020 جىلدارى پايدالانۋعا بەرۋ جوسپاردا. وڭداسىن ورازالين قارابۇتاق اۋىلىنداعى «ايتەكە بي تۋبەركۋلەز اۋرۋلارىنا ارنالعان حوسپيس» عيماراتىن ارالادى. اۋرۋحانادا تۋبەركۋلەزدىڭ سوزىلمالى تۇرىمەن اۋىراتىن ناۋقاستاردىڭ سيمپتوماتيكالىق ەمى جۇرگىزىلەدى.(ديسپانسەرلىك ەسەپتىڭ Iگ توبى) بۇل توپتاعى ناۋقاستار قورشاعان ورتاعا قاۋىپ توندىرمەيدى. ەم الۋشىلار سانىنىڭ ازدىعىنا بايلانىستى مۇنداعى ناۋقاستار تەمىر اۋدانىنداعى تۋبەركۋلەزگە قارسى بولىمگە اۋىستىرىلىپ, عيمارات جابىلادى. 3 قاباتتى نىساندى بولاشاقتا باسقا ماقساتتا پايدالانۋ جوسپاردا بار, ول ءۇشىن وبلىس اكىمى دەنساۋلىق ساقتاۋ باسقارماسىنىڭ باسشىسى اسەت قاليەۆكە ناقتى ۇسىنىستار ازىرلەۋدى تاپسىردى. سونداي-اق وڭداسىن ورازالين حوسپيستە جۇمىس جاسايتىن 35 دارىگەردىڭ جۇمىسسىز قالماۋىن, ولارعا وتەماقى تولەنۋىن, ەڭبەك دەمالىستارىن ۇيىمداستىرۋ قاجەتتىگىن ايتتى.
اۋىل تۇرعىندارىن سىبايلاس جەمقورلىقپەن كۇرەسۋدە بىرگە ات سالىسۋعا شاقىرعان اقتوبە وبلىستىق سىبايلاس جەمقورلىققا قارسى دەپارتامەنتى ۇلتتىق بيۋروسىنىڭ باسشىسى ميرلان مۇحامبەتوۆ وبلىس باسشىسىمەن بىرگە جەرگىلىكتى تۇرعىنداردى ادالدىق الاڭىنىڭ جۇمىسىمەن, سوڭعى كەزدەرى ەنگىزىلىپ جاتقان جاڭا جۇيەلەرىمەن تانىستىردى. 2 باعىتتا جۇمىس جاسايتىن ادالدىق الاڭىنىڭ ماقساتى تۇرمىستىق سىبايلاس جەمقورلىقتى جويىپ, ازاماتتارعا قولايلى جاعداي جاساۋ. «ادالدىق الاڭىنىڭ» ماماندارى قازىردە مەملەكەتتىك مەكەمەلەردە «Open space» كابينەتتەرىنىڭ اشىلۋى بويىنشا جۇمىستار جاساۋدا. وبلىس باسشىسى قارابۇتاق اۋىلى تۇرعىندارىمەن كەزدەسىپ, جەكە قابىلداۋلار وتكىزدى. جەرگىلىكتى حالىق وبلىس اكىمىنە اۋىلدان قوقىس توگەتىن ارنايى پوليگوننىڭ اشىلۋىن سۇرادى. وڭداسىن ورازالين ەكولوگيا باسقارماسىنىڭ باسشىسىنا تۇرعىنداردىڭ ءوتىنىشىن تەز ارادا شەشۋدى تاپسىردى. ءىس ساپار سوڭىندا ءوڭىر باسشىسى اۋدان اكىمىنە ايتەكە بي اۋدانىندا كاسىپكەرلىك سالاسىن دامىتۋدى, قوسىمشا جۇمىس كوزدەرىن كوبەيتۋدى, مادەني-رۋحاني شارالاردى جانداندىرۋدى بارلىق سالادا جۇمىستاردى دامىتۋدى تاپسىردى.