بۇگىندە پرەزيدەنتتىڭ تاپسىرماسى بويىنشا وبلىستا كوپ بالالى وتباسىلاردى قولداۋعا باعىتتالعان بىرىڭعاي شارالار پاكەتى قابىلداندى. وڭىرلىك كوممۋنيكاتسيالار ءباسپاسوز قىزمەتى جول كارتاسى ارقىلى ءوزىنىڭ شاعىن بيزنەسىن اشۋعا نيەتتى كوپبالالى جانە از قامتاماسىز ەتىلگەن وتباسىلارعا 1922 گرانت بولىنەتىندىگىن حابارلايدى.
سونىمەن بىرگە از قامتاماسىز ەتىلگەن وتباسىلاردىڭ بالالارى ساۋىقتىرۋ لاگەرىندە دەمالىپ, 25 مىڭنان استام وقۋشى تەگىن تاماق جانە مەكتەپ كيىمىمەن قامتاماسىز ەتىلەدى. مۇنان وزگە قىزىلوردا قالاسىندا 6800 بالا جول كارتاسى اياسىندا قوعامدىق كولىكتە تەگىن جۇرەدى.
بۇگىندە ايماقتا 36 مىڭعا جۋىق كوپبالالى وتباسى بار. ونىڭ 6 مىڭعا جۋىعى جاعدايى تومەنگى دەڭگەيدەگى وتباسى. سونىمەن قاتار ءۇش مىڭنان استام كوپ بالالى وتباسى مەن جالعىز باستى انالاردىڭ ماتەريالدىق جاعدايى زەردەلەنىپ جاتىر.