ايماق باسشىسى قۇمار اقساقالوۆ «سلاۆيان بازارى – 2019» حالىقارالىق فەستيۆالىندە باس جۇلدەنى يەلەنگەن جەرلەسىمىز, جاس تالانت ءادىلحان ماكيندى جارقىن جەڭىسىمەن قۇتتىقتادى.
اكىمدىكتە وتكەن كەزدەسۋگە كەزىندە انشىگە ءتالىم-تاربيە بەرگەن ۇستازدارى, تۋعان-تۋىسقاندارى دا شاقىرىلدى.
«ءوڭىرىمىز ەرمەك سەركەباەۆ سياقتى ونەرلى ازاماتتارعا باي. سولاردىڭ قاتارىنا سوڭعى كەزدەرى جاستاردىڭ قوسىلىپ كەلە جاتقانى قۋانتادى. وتكەن جىلى سامال ەسلياموۆا ۇلكەن فەستيۆالدە جەڭىسكە جەتكەن بولاتىن. ءادىلحاننىڭ بۇل جەڭىسى وسكەلەڭ ۇرپاققا ۇلگى بولۋى ءتيىس», دەگەن قۇمار ىرگەباي ۇلى وعان قۇرمەت گراموتاسى مەن اقشالاي سەرتيفيكاتتى تابىس ەتتى.
ءادىلحان ماكين تۋعان جەرىندە قۇرمەت كورسەتىپ جاتقاندارىنا العىس ايتىپ, الداعى جوسپارلارىمەن ءبولىستى.
ءسوز اراسىندا گران پري يەگەرىنىڭ م. جۇماباەۆ اۋدانىندا تۋعانىن, پەتروپاۆل قالاسىنداعى قوجابەرگەن جىراۋ اتىنداعى № 6 قازاق مەكتەبىن, ونەر كوللەدجىن بىتىرگەنىن ايتا كەتكەن ءجون.