جاز شىعا سالىسىمەن جامبىل وڭىرىندە دالا ءورتى ءجيى بەلەڭ الا باستادى. جامبىل وبلىستىق توتەنشە جاعدايلار دەپارتامەنتىنىڭ مالىمەتىنشە, جاز مەزگىلىندە ءبىر عانا ت.رىسقۇلوۆ اۋدانىنىڭ وزىندە جالپى اۋماعى 500 گەكتارعا جۋىق دالا ورتكە ورانعان.
ال, 14 شىلدە كۇنى اۋدانداعى قاراقىستاق اۋىلىنداعى "ماقسات" شارۋا قوجالىعىنا قاراستى ەگىس القابى ورتەندى.
ت.رىسقۇلوۆ اۋدانى اكىمىنىڭ ورىنباسارى ەرلان باقىتجان ۇلى ءورت سالدارىنان 40 گەكتار ارپا, 20 گەكتار جايىلىمدىق جەر كۇيگەنىن ايتتى. ال, ت.رىسقۇلوۆ اۋدانى بويىنشا توتەنشە جاعدايلار ءبولىمىنىڭ باسشىسى جاندار سەيتىمبەتوۆتىڭ ايتۋىنشا, ءورت كۇندىزگى ساعات 11:30 شاماسىندا باستالىپ, كەشكى ساعات 17:17 شاماسىندا اۋىزدىقتالعان. توتەنشە جاعدايعا 45 ادام جانە 15 تەحنيكا كۇشى تارتىلعان.