الماتى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسى تۇتاس قالانىڭ جارىقسىز قالۋىنىڭ سەبەبىن ءتۇسىندىردى. بۇل تۋرالى قازاقپارات حابارلادى.
«بۇگىن 14:14-تە «الماتىەنەرگوسبىت» اق جەس-2 ستانساسىنىڭ قاينار كوزىندە اقاۋ بولدى. سونىڭ كەسىرىنەن قالانىڭ كوپ بولىگى ەلەكتر قۋاتىنسىز قالدى. قازىرگى تاڭدا جەس-2 نىسانىندا كل-220 كۆ بويىنشا جارىق بەرىلدى. قالانى قورشاعان سىرتقى شەڭبەر بويىنشا KEGOC 220 كۆ جەلىسىندە قالانى ەلەكتر جەلىسىنە قوسۋ پروتسەسى ءجۇرىپ جاتىر. بۇل نىساندى قايتا قوسۋعا 1-1,5 ساعات ۋاقىت كەتەدى», دەپ مالىمدەدى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىنان.
قالانىڭ بارلىق اۋداندارى كەشكى ساعات 17:00-دە ەلەكتر ەنەرگياسىنا تولىق قوسىلاتىن بولادى. قازىرگى تاڭدا قالاداعى بارلىق باعدارشامداردىڭ جۇمىسى رەتتەلدى. كوشەلەردەگى جول قوزعالىسىن رەتتەۋگە 400-دەن استام جول-پارتۋلدىك پوليتسيا قىزمەتكەرى شىقتى.
ارنايى جۇمىس توبى اپاتتىڭ سەبەبىن انىقتاپ جاتىر.