«ءوسۋدىڭ قوزعاۋشى كۇشتەرى نەگىزىنەن ونەركاسىپ, قۇرىلىس, كولىك, ساۋدا جانە اۋىل شارۋاشىلىعى سالالارى بولدى. وڭدەۋشى ونەركاسىپتەگى ءوسىم نەگىزىنەن ماشينا جاساۋ, مۇناي وڭدەۋ, ءتۇستى مەتاللۋرگيا, جەڭىل ونەركاسىپ, فارماتسەۆتيكا جانە سۋسىندار ءوندىرىسى ەسەبىنەن قامتاماسىز ەتىلدى. 14 وڭىردە ونەركاسىپتىڭ ءوسۋى قامتاماسىز ەتىلگەن», - دەدى پرەمەر-مينيستر.
ەكونوميكانىڭ تۇراقتى دامۋىن قامتاماسىز ەتۋ جانە ناتيجەلى جۇمىس ورىندارىن قۇرۋ ءۇشىن نەگىزگى ماسەلە – ينۆەستيتسيالاردىڭ جاڭا تولقىنىن تارتۋ.
«ءبىزدىڭ مىندەتىمىز – جىل سايىن نەگىزگى كاپيتالعا ينۆەستيتسيالار كولەمىن ورتا ەسەپپەن 20%-عا ارتتىرىپ, ونىڭ دەڭگەيىن 2025 جىلعا قاراي ءجىو-ءنىڭ 30% دەيىن جەتكىزۋ», - دەدى اسقار مامين, نەگىزگى كاپيتالعا ينۆەستيتسيالار 11,7% ۇلعايعانىن, ونىڭ ىشىندە جەكە ينۆەستيتسيالار 13%-عا وسكەنىن اتاپ ءوتىپ.
ونىڭ ايتۋىنشا, نىسانالى پارامەترلەرگە قول جەتكىزۋ ءۇشىن نەگىزگى كاپيتالعا 5 جىل بويى 30 ترلن تەڭگە سوماسىندا ينۆەستيتسيالار تارتۋ قاجەت.
«بۇگىندە 12,4 ترلن تەڭگە سوماسىندا جوبالار پۋلى انىقتالدى. ياعني, جىل سايىن ورتا ەسەپپەن 3 ترلن تەڭگەدەن قوسىمشا ينۆەستيتسيالار تارتۋ قاجەت. تىكەلەي شەتەلدىك ينۆەستيتسيالاردىڭ جىلدىق كولەمىن قازىرگى 24 ملرد دوللاردان 2025 جىلعا قاراي 34 ملرد-قا دەيىن ارتتىرۋ كەرەك», - دەدى ۇكىمەت باسشىسى, ينۆەستيتسيالار تارتۋ ءۇشىن وڭدەۋ ونەركاسىبىنىڭ, وتىن-ەنەرگەتيكا كەشەنىنىڭ, كولىك جانە لوگيستيكانىڭ, اوك پەن ءتۋريزمنىڭ الەۋەتى زور ەكەنىن اتاپ ءوتىپ.
ينۆەستيتسيالار تارتۋ جاھاندىق باسەكەلەستىكتىڭ ارتۋى جاعدايلارىندا جۇزەگە اسىرىلىپ جاتقانىن اتاپ ءوتۋ قاجەت. وسىعان بالانىستى ۇكىمەت بارلىق مەملەكەتتىك قولداۋ شارالارىن قولدانۋمەن جانە قولايلى ينۆەستيتسيالىق احۋال قۇرۋمەن ينۆەستيتسيالار تارتۋ بويىنشا پرواكتيۆتى جۇمىستاردى جۇرگىزە باستادى.
پرەمەر-مينيستر اعىلشىندىق قۇقىقتى, جوبالاردى قۇرىلىمداستىرۋدى جانە تەڭ قارجىلاندىرۋدى قولدانۋ ارقىلى احقو الەۋەتىن پايدالانۋ شەتەلدىك جانە وتاندىق ينۆەستورلار ءۇشىن تارتىمدى جاعدايلار تۋدىراتىنىن اتاپ ايتتى.
ءاربىر ورتالىق جانە جەرگىلىكتى اتقارۋشى ورگان مەن ۇلتتىق حولدينگ ءۇشىن ناقتى نىسانالى ينديكاتورلار قويىلادى.
ينۆەستيتسيالار تارتۋ جونىندەگى ۇيلەستىرۋ كەڭەسىندە بارلىق ينۆەستيتسيالىق جوبالاردىڭ جۇزەگە اسىرىلۋ بارىسى قاراستىرىلاتىن بولادى.
وزەكتى الەۋمەتتىك ماسەلەلەردى شەشۋ - ۇكىمەت جۇمىسىنىڭ اسا ماڭىزدى باسىمدىعى. جۇمىسسىز جانە ءوزىن-ءوزى جۇمىسپەن قامتىعان ازاماتتاردى ناتيجەلى جۇمىسپەن قامتۋعا تارتۋ بويىنشا پرواكتيۆتى شارالار ىسكە اسىرىلا باستادى.
«ەڭبەك نارىعى تۇراقتى. اعىمداعى جىلعى ءبىرىنشى جارتى جىلدا جۇمىسسىزدىق دەڭگەيى 4,8 %-عا دەيىن تومەندەدى. 186 مىڭ جاڭا جۇمىس ورنى قۇرىلدى, ونىڭ 126 مىڭى – تۇراقتى», - دەدى اسقار مامين.
ۇكىمەت باسشىسى بيىل جۇمىسپەن قامتۋ شارالارىمەن قامتۋ, ونىڭ ىشىندە «باستاۋ بيزنەس» جانە «جاس كاسىپكەر» باعدارلامالارى اياسىندا قىسقا مەرزىمدى كاسىپتىك وقىتۋ ارقىلى قامتۋ 4 ەسەگە ارتاتىنىن جانە 300 مىڭنان استام ادامدى قۇرايتىنىن ايتتى.
اعىمداعى جىلى شاعىن نەسيەلەندىرۋگە شىعىندار 19 مىڭ ادامدى قامتۋمەن 85 ملرد تەڭگەگە دەيىن ۇلعايتىلدى. جاڭا بيزنەس-يدەيالاردى ىسكە اسىرۋعا گرانتتار كولەمى 37 مىڭنان استام ادامدى قامتۋمەن 18 ملرد تەڭگەگە دەيىن ۇلعايتىلادى.
سونىمەن قاتار, 1 قىركۇيەكتەن باستاپ 122 مىڭنان استام ادامدى قامتۋمەن, تجكب-دەگى جۇمىسشى ماماندىقتارى بويىنشا ءبىلىم الۋشىلاردىڭ شاكىرتاقىسى 30%-عا وسەدى.
«جالپى, 2019 جىلى الەۋمەتتىك سالا شىعىندارى 7,1 ترلن تەڭگەگە دەيىن ارتتىرىلدى. ۇكىمەت الەۋمەتتىك شارالاردى ىسكە اسىرۋ بويىنشا بارلىق قاجەتتى شارالاردى قابىلدايتىن بولادى», - دەدى اسقار مامين.