القالى باسقوسۋ بەلگىلى جازۋشى-جۋرناليست, وبلىستىڭ قۇرمەتتى ازاماتى جاراسباي سۇلەيمەنوۆتىڭ 70 جىلدىق مەرەيتويىنا ارنالىپ, م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ رەكتورى سەرىك ومىرباەۆ مودەراتور بولدى. ول ءوز سوزىندە ەكىنشى دارەجەلى «دوستىق», «قۇرمەت وردەندەرىنىڭ يەگەرى, ونداعان زەرتتەۋ, شىعارماشىلىق كىتاپتار مەن جيناقتاردىڭ اۆتورى , بۇگىندە «قىزىلجار-اقپارات» جشس-نە جەتەكشىلىك ەتىپ, جەمىستى ەڭبەك جولىن جالعاستىرىپ كەلە جاتقان جاراسباي قابدوللا ۇلىنىڭ ءومىر جولىنا قىسقاشا توقتالىپ ءوتتى.
كونفەرەنتسيادا وبلىس اكىمىنىڭ ورىنباسارى رۋسلان الىشەۆ ايماق باسشىسى قۇمار اقساقالوۆتىڭ قۇتتىقتاۋ حاتىن وقىپ بەردى.
پارلامەنت ءماجىلىسىنىڭ دەپۋتاتى كارىباي مۇسىرمان, قوعام قايراتكەرى قۋانىش ايتاحانوۆ, «جۇلدىز» جۋرنالىنىڭ باس رەداكتورى عالىم جايلىباي, «جەتى جارعى» جانە قوجابەرگەن جىراۋ» حالىقارالىق قايىرىمدىلىق قورىنىڭ توراعاسى بەكەت تۇرعارا ۇلى, «قاhارماندار» رەسپۋبليكالىق ۇيىمىنىڭ پرەزيدەنتى سابىر قاسىموۆ, ارداگەر جازۋشى-جۋرناليست, حالىقارالىق «الاش» سىيلىعىنىڭ يەگەرى جانات ەلشىبەك, ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى, اكادەميك ديقان قامزابەك ۇلى, تاعى باسقالارى شىعارماشىلىق, زەرتتەۋشىلىك جانە قوعامدىق قىزمەتتى قاتار تىزگىندەگەن جانى جومارت جايساڭ جاننىڭ ۇلت رۋحانياتىنا قوسقان ولشەۋسىز ۇلەسىن جوعارى باعالادى. اسىرەسە, ماعجانتانۋشى رەتىندە الاشتىڭ اقيىق اقىنىنىڭ ءومىرى مەن شىعارماشىلىعىنا قاتىستى ۇزاق جىلدار بويى كوز مايىن تاۋىسىپ, تىرنەكتەپ جيناعان تىڭ ماعلۇماتتارى, تاباندى ىزدەنىستەرى, ساليقالى دا سالماقتى وي-پىكىرلەرى ازاماتتىق بولمىسىن ەرەكشەلەيتىنى اتاپ كورسەتىلدى. ء بىز جاكەڭدى قالامى جۇيرىك جۋرناليست رەتىندە عانا ەمەس, سونىمەن قاتار حالىقتىڭ ءسوزىن سويلەيتىن, ادالدىقتان تايمايتىن قايراتكەر, ۇلتجاندى كۇرەسكەر رەتىندە دە جاقسى تانيمىز, دەستى شەشەندەر.
رەسپۋبليكالىق «ەگەمەن قازاقستان» گازەتىنىڭ قىزمەتكەرى جاقسىباي سامرات باسشىلىقتىڭ ىزگى لەبىزىن, قۇتتىقتاۋ تىلەگىن جەتكىزدى.
كونفەرەنتسيادا «اكە جولى», «سىرىمدى ساعان ايتامىن» كىتاپتارىنىڭ تۇساۋكەسەرى ءوتتى.
سولتۇستىك قازاقستان وبلىسى