شاراعا ارنايى قاتىسقان اتىراۋ وبلىسى əكىمىنىڭ ورىنباسارى ايبەك قرامباەۆ سالتاناتتى تۇردە الاۋدى جاعىپ, ءوڭىر تۇرعىندارىن كوگىلدىر وتىنمەن قامتىلۋىمەن قۇتتىقتادى.
- بۇل – ازعىر ء وڭىرىنىڭ كوپتەن كۇتكەن مەرەيلى كۇنى. قر تۇڭعىش پرەزيدەنتى نۇرسۇلتان نازارباەۆتىڭ شەكارا ماڭىنداعى اۋدانداردى دامىتۋ جəنە سول ەلدەگى حالىقتىڭ تۇرمىسىن جاقسارتۋ تاپسىرماسى بويىنشا جوبا جۇزەگە اسۋدا. سول كەزدەگى وبلىس əكىمى بولعان باقتىقوجا ىزمۇحامەتوۆتىڭ باستاماسىمەن, قازىرگى تاڭدا ءوڭىر باسشىسى نۇرلان نوعاەۆ بۇل جۇمىستاردىڭ ءəرى قاراي جۇزەگە اسۋىن قولعا الىپ, بۇگىندە ازعىر ءوڭىرى تولىققاندى گازبەن قامتىلىپ وتىر. كوگىلدىر وتىن وسى وڭىردەگى حالىقتىڭ تۇرمىس-تىرشىلىگىنە, شاعىن جəنە ورتا بيزنەستىڭ دامۋىنا سەپتىگىن تيگىزەتىنى ءسوزسىز, - دەيدى ايبەك قرانباەۆ.
ازعىر وڭىرىنە گاز قۇبىرىن تارتۋ جۇمىستارى 2017 جىلى باستاۋ الىپ, قازىرگى تاڭدا تولىقتاي اياقتالدى. جوبا نكوك كومپانياسىنىڭ دەمەۋشىلىگىمەن ىسكە اسىرىلدى.
- بۇل اۋقىمدى جوبا. ازعىر وڭىرىنە تارتىلعان گاز قۇبىرىنىڭ ۇزىندىعى 365 شاقىرىم, سونداي-اق, اۋىلىشىلىك قۇبىرلار - 68 شاقىرىم. بارلىق تۇرعىنداردىڭ اۋلالارىنا گاز قۇبىرلارى تارتىلدى. ءƏرى قاراي əر تۇرعىن ءوز ۇيىنە تارتۋ ءۇشىن قۇجاتتارىن رەتتەپ, قوندىراتىن بولادى. ازعىر وڭىرىنە كوگىلدىر وتىن تارتىلعاسىن, وبلىس بويىنشا گازبەن قامتۋ كورسەتكىشى 98,2 % كورسەتىپ وتىر, - دەيدى اتىراۋ وبلىسى ەنەرگەتيكا جəنە تۇرعىن ءۇي كوممۋنالدى شارۋاشىلىق باسقارماسىنىڭ باسشىسى مۇرات يعاليەۆ.