چەمپيوناتتىڭ سالتاناتتى اشىلۋ راسىمىنە وبلىس, قۇقىق قورعاۋ ورگاندارىنىڭ باسشىلارى, «دينامو» دەنە شىنىقتىرۋ سپورت قوعامى ورتالىق كەڭەسىنىڭ وكىلدەرى, Qazaq kúresi فەدەراتسياسىنىڭ پرەزيدەنتى ارمان شوراەۆ, پوليتسيا ارداگەرلەرى قاتىستى.
«دينامو» دشسق ورتالىق كەڭەسى توراعاسىنىڭ ءبىرىنشى باسشىسى اسقار ومارقۇلوۆ جارىستىڭ نەگىزگى ماقساتى ءىىم قىزمەتكەرلەرىنىڭ دەنە شىنىقتىرۋ دايارلىقتارىن ارتتىرۋدى, كۇرەس تاسىلدەرىن جەتىلدىرۋدى, ۇزدىكتەردى انىقتاۋدى جانە سالاۋاتتى ءومىر سالتىن ناسيحاتتاۋدى دىتتەيتىنىن اتاپ ءوتتى.
«قازاق كۇرەسىنىڭ پراكتيكالىق ءمانى ەرەكشە. سەبەبى قازاق كۇرەسىن جەتىك مەڭگەرگەن قۇقىق قورعاۋ ورگاندارىنىڭ كەز-كەلگەن قىزمەتكەرى قىلمىسكەرگە توسقاۋىل قويا الادى», دەدى ارمان شوراەۆ.
پوگون تاققان ۇزدىك پالۋان اتاعى ءۇشىن كۇرەس وتە تارتىستى ءوتتى. 82 كيلو سالماق دارەجەسىندە جامبىل وبلىسى پوليتسيا دەپارتامەنتىنەن كەلگەن ءامىر حابيبۋللاەۆ ۇزدىك اتاندى. 90 كيلو سالماقتا – اقمولا وبلىسىنان اسەت ءجۇنىسوۆ, 100 كگ دەيىن – الماتى وبلىسىنان الەكساندر كوساچەۆ جەڭىمپاز بولدى. اۋىر سالماقتاعىلار اراسىنان قاراعاندى وبلىسى پوليتسيا دەپارتامەنتىنەن كەلگەن سامات امانتاەۆ ەڭ ۇزدىك دەپ تانىلدى.
كوماندالىق ەسەپە ەكىنشى جانە ءۇشىنشى ورىندى قاراعاندىلىقتار مەن جامبىلدىقتار يەلەندى. ءبىرىنشى ورىن كولىكتەگى پوليتسيا دەپارتامەنتىنىڭ كومانداسىنا بۇيىردى.
سولتۇستىك قازاقستان وبلىسى