ءبىلىم جانە عىلىم مينيسترلىگىنىڭ عىلىم كوميتەتى دۇنيەجۇزىلىك بانكپەن بىرلەسە وتىرىپ, ء«ونىمدى يننوۆاتسيالاردى ىنتالاندىرۋ» جوباسىن جۇزەگە اسىرۋدا. باعدارلاما اياسىندا عىلىمي زەرتتەۋلەردى جۇزەگە اسىرۋ ءۇشىن بيزنەس پەن عىلىم اراسىنداعى كونسورتسيۋم قۇرۋ قاراستىرىلادى دەپ حابارلايدى Neonomad.kz.
2017 جىلى «كەنتاۋ ترانسفورماتور زاۋىتى» اق, «ەنەرگيا» قازوەجعزجىي اق جانە «ەلەكترودەتال» جشس اراسىندا كونسورتسيۋم قۇرىلدى.
قازاقستاندىق «ەنەرگيا» ينستيتۋتىنىڭ عالىمى, قر ەڭبەك سىڭىرگەن ەنەرگەتيگى - سەرگەي ەۆگەنەۆيچ سوكولوۆ قۋاتى 63 000 كۆا, 220 كۆ كەرنەۋلى كلاسى بار بىرەگەي اۆتوترانسفورماتور ازىرلەدى. سوكولوۆ س.ە. جەتەكشىلىگىمەن العاشقى ترانسفورماتورلىق تيپتەگى باسقارىلاتىن رەاكتورلار جوباسى ازىرلەندى, وڭدەلىپ شىعارىلدى جانە وندىرىسكە ەنگىزىلدى. مۇنداي قۋاتى بار اۆتوترانسفورماتورلار قازاقستاندا العاش رەت شىعارىلۋدا - ولار 600 مىڭ حالقى بار ايماقتى, مىسالى, تۇركىستان وبلىسىنىڭ سارىاعاشتاي ەكى اۋدانىن ەلەكتر قۋاتىمەن قامتاماسىز ەتە الادى.
«قازاقستان – 2050» ستراتەگياسىندا ەلباسى جەكە كومپانيالاردى عىلىمي زەرتتەۋلەر مەن يننوۆاتسيالاردى ينۆەستيتسيالاۋعا ىنتالاندىرۋ قاجەتتىگىن ايتقان بولاتىن. سونىڭ ارقاسىندا, 2017 جىلى قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتىنىڭ قولداۋىمەن عىلىم مەن بيزنەس بىرلەسە وتىرىپ 63000 كۆا قۋاتى بار بىرەگەي اۆتوترانسفورماتور ازىرلەۋ ءۇشىن كونسورتسيۋم قۇردى.
وسى كونسورتسيۋم اياسىندا «كەنتاۋ ترانسفورماتور زاۋىتى» اق عىلىمدى دامىتۋعا باعىتتالعان 227,5 ملن. تەڭگە قاراجات ءبولدى.
«عىلىم مەن بيزنەستىڭ باستى ماقساتى بولاشاقتا جوبانى كوممەرتسياليزاتسيالاۋ جانە دامىتۋ بولىپ تابىلادى. بۇدان كەيىن اۆتوترانسفورماتوردى قىرعىزستانعا, وزبەكستانعا, اۋعانستانعا, ازەربايجانعا, تاجىكستانعا, ارمەنياعا, تۇركمەنستانعا, يرانعا جانە باسقا ەلدەرگە ەكسپورتتاۋ جوسپارلانىپ وتىر. بۇل جوبانىڭ نەگىزگى ەرەكشەلىگى – جوعارى قۋاتقا يە بولۋى, ول 600 مىڭ تۇرعىنى بار اۋداندى ەلەكتر ەنەرگياسىمەن قامتاماسىز ەتە الادى», - دەيدى «كەنتاۋ ترانسفورماتور زاۋىتى» اق باسقارما توراعاسى حايرۋللا قوجاباەۆ.
زاۋىتتا جوعارى ۆولتتى اۆتوترانسفورماتوردىڭ ازىرلەنۋىن تاعاتسىزدانا كۇتۋدە. بۇگىنگى تاڭدا العاشقى اۆتوترانسفورماتوردىڭ ساتىپ الۋشىسى دا بار, ول - تۇركىستان وبلىسىنىڭ سارىاعاش اۋدانىنىڭ تۇرعىن ءۇي-كوممۋنالدىق شارۋاشىلىعى – «قىزىل اسكەر» وبەكتىسى. كومپانيانىڭ مالىمدەۋىنشە, وسى كۇنگە دەيىن بۇنداي قۋاتتى جابدىقتار قازاقستاندا وندىرىلمەگەن, بۇل - كومپانيانىڭ وزىندىك تەحنولوگياسى.
«كەنتاۋ ترانسفورماتور زاۋىتى» اۆتوترانسفورماتورى: قازاقستان مەن ورتالىق ازياداعى ماشينا جاساۋ سالاسىنداعى يننوۆاتسيالىق سەرپىلىس.
بۇل ماقالا «عىلىمي-تەحنيكالىق قىزمەتتىڭ ناتيجەلەرىن كوممەرتسيالاندىرۋ ماقساتىندا جۇكتەمەمەن كەرنەۋدى رەتتەۋ جانە وندىرىسكە ەنگىزۋ ارقىلى 220 كۆ قۋات كلاسىنداعى, 63 مۆا اۆتوترانسفورماتور تەحنولوگياسىن ازىرلەۋ» ىشكى جوبا اياسىندا, ء«ونىمدى يننوۆاتسيالاردى ىنتالاندىرۋ» جوباسى اياسىندا قارجىلاندىرىلىپ, دۇنيەجۇزىلىك بانك پەن قازاقستان رەسپۋبليكاسى ۇكىمەتىنىڭ قولداۋىمەن جارىق كوردى. مالىمدەمەلەر قازاقستان رەسپۋبليكاسىنىڭ ۇكىمەتى مەن دۇنيەجۇزىلىك بانكتىڭ رەسمي ۇستانىمىن قامتىماۋى مۇمكىن.