الماتىلىق «ارىستان» فۋتبول كومانداسى بارسەلونادا (يسپانيا) وتكەن U-13 توبىنداعى Copa Cataluña تۋرنيرىندە جەڭىمپاز اتاندى.
تۋرنير فينالىندا جاس قازاقستاندىقتار يتاليالىق «تفت فلوريا-2000» كومانداسىن پەنالتي بويىنشا ۇتىپ, ەسەپ 4:2 بولدى. ماتچتىڭ نەگىزگى ەسەبى - 0:0.
فينالعا بارار جولدا الماتىلىقتار پولشا, يسپانيا, سونداي-اق يتاليالىق فۋتبول كلۋبتارىمەن كەزدەستى.
«بۇل جەڭىس بىزگە ەرەكشە قۋانىش سىيلادى. بىزگە شىن كوڭىلىمەن سەنگەنى ءۇشىن جاتتىقتىرۋشىمىز بەيبىت ق ۇلىبەكوۆكە العىسىمىز شەكسىز. جانكۇيەرلەرىمىزدىڭ ءۇمىتىن اقتاۋ ءۇشىن بارىمىزدى سالدىق. ءساتتى ساپار بولدى», - دەيدى «ارىستاننىڭ» 13 جاسار ويىنشىسى ميراس گابدىلمۋتالاپوۆ.
ايتا كەتەيىك, تۋرنيردە 24 ەلدەن 126 كوماندا باق سىنادى. كاتالونيا كۋبوگى وسىمەن 32-ءشى رەت ءوتىپ وتىر.