28 ماۋسىم كۇنى تاڭعى 8.00-دەن باستاپ ارىس قالاسىنىڭ تۇرعىندارى ۇيلەرىنە ورالدى. تاڭعى 6-دان باستاپ شاڭىراعىنا ورالعىسى كەلەتىن ادامدار ەۆاكۋاتسيالىق ورتالىقتاردان جولعا شىقتى.
بۇگىنگى تاڭدا كوممۋنالدىق قىزمەت تاراپىنان ارىستا جارىق جانە سۋمەن جابدىقتاۋ جۇيەلەرى ىسكە قوسىلدى.
سونداي-اق, ارىس تەمىرجول بەكەتىنەن بارلىق باعىتقا پويىز قاتىناي باستادى.
تۇرعىندارى ەندى ورالعان قالادا ۆەتەرينارلىق قىزمەت ولگەن جانۋارلاردىڭ ولەكسەسىن ىزدەپ, ونى جويۋ جانە زارارسىزداندىرۋ جۇمىستارىن جۇرگىزۋدە.
2019 جىلعى 27 ماۋسىمنان باستاپ دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق قىزمەتىنىڭ 155 مامانى مەن 22 بىرلىك تەحنيكاسى 41 نىساندا تەكسەرۋ جانە دەزينفەكتسيالاۋ جۇمىستارىن جۇرگىزدى.