ءتارتىپ ساقشىلارى ارىس قالاسى تۇرعىندارىنىڭ ۇيلەرىنە امان-ەسەن ورالۋىن قامتاماسىز ەتىپ جاتىر. قازىرگى تاڭدا شىمكەنتتەن 78 اۆتوبۋس ءجۇرىپ كەتتى. بۇل تۋرالى قازاقپارات حابارلادى.
قالالىق جەرگىلىكتى پوليتسيا باسشىلىعىنىڭ ايتۋىنشا, ءاربىر ون اۆتوبۋسقا ءبىر پوليتسيا اۆتو ەكيپاجى بەكىتىلگەن. ال, جالپى وسى ءتورت كۇننەن بەرى قوعامدىق ءتارتىپتى ساقتاۋعا, تۇرعىنداردى تاسىمالداۋعا مىڭعا تارتا ءتارتىپ ساقشىسى جۇمىلدىرىلىپ وتىر.
«ەۆاكۋاتسيالىق پۋنكتتەردە ءتارتىپ ساقشىلارى ازاماتتارعا قولعابىس ەتىپ, جۇكتەرىن تاسىمالداپ بەرۋدە», دەيدى شىمكەنت قالالىق پد جەرگىلىكتى پوليتسيا قىزمەتىنىڭ باستىعى ەرعالي سۇلەيمەنوۆ.