مەملەكەت باسشىسىنا مينيسترلىكتىڭ قازىرگى جۇمىستارى مەن «ۇلكەن دەرەكتەرگە» جانە جاساندى ينتەللەكتكە تالداۋ جاساۋعا بايلانىستى «تسيفرلىق قازاقستان» مەملەكەتتىك باعدارلاماسى جوبالارىنىڭ جۇزەگە اسىرىلۋى تۋرالى باياندالدى.
قاسىم-جومارت توقاەۆ مينيسترلىكتىڭ جۇرگىزىپ جاتقان جۇمىستارىنىڭ وزەكتىلىگىن اتاپ ءوتىپ, كورسەتىلەتىن مەملەكەتتىك قىزمەتتى جانە جالپى ەكونوميكانى تسيفرلاندىرۋدىڭ ماڭىزدى ەكەنىن ايتتى.
– بۇگىندە ءتۇرلى دارەجەدە كەدەرگى كەلتىرەتىن ۇدەرىستەردىڭ ءبارىن جويىپ, ولاردى اۆتوماتتاندىرۋ كەرەك. ازاماتتار ساپالى مەملەكەتتىك قىزمەتتى ەشقانداي قيىندىقسىز, اۆتوماتتى تۇردە الۋى ءتيىس, – دەدى قازاقستان پرەزيدەنتى.
سونىمەن قاتار, مەملەكەت باسشىسىنا ەلىمىزدەگى قالىپتاسىپ جاتقان يننوۆاتسيالىق ەكوجۇيە مەن ونىڭ نەگىزى سانالاتىن «Astana Hub» IT-ستارتاپتار حالىقارالىق تەحنوپاركى تۋرالى مالىمەت بەرىلدى. اسقار جۇماعاليەۆتىڭ ايتۋىنشا, قازىرگى تاڭدا تەحنوپارك قالىپتى جاعدايدا جۇمىس ىستەيدى جانە ونىڭ الەۋەتى تولىققاندى پايدالانىلۋدا. 260-تان استام كومپانيا اكسەلەراتسيادان ءوتتى. سونىڭ ارقاسىندا قازاقستانعا 28 ميلليارد تەڭگەگە جۋىق قارجى تارتىلدى.