قاناتقاقتى جوبا شەڭبەرىندە 17 ماۋسىمنان باستاپ ەلوردانىڭ بايقوڭىر اۋدانىندا ورنالاسقان ەڭ ءىرى حالىققا قىزمەت كورسەتۋ ورتالىعىنىڭ ماماندارى قىزمەت الۋشىلارعا مەكەنجاي بويىنشا تىركەۋگە تۇرۋ جانە تىركەۋدەن شىعۋ مەملەكەتتىك قىزمەتتەرىن كورسەتە باستادى. بۇل قىزمەتتىڭ جۇرگىزىلۋىنە تىكەلەي جاۋاپ بەرەتىن قر ءىىم ميگراتسيالىق قىزمەتى حقو ماماندارىنا «قۇجاتتاۋ جانە حالىقتى تىركەۋ» اقپاراتتىق جۇيەسىن قولدانۋعا رۇقسات بەرىپ, ارنايى وقىتۋ شارالارىن وتكىزدى.
قاناتقاقتى جوبا ىسكە قوسىلعان ون كۇن ىشىندە اتالعان حقو-دا تۇرعىلىقتى جەرى بويىنشا تىركەۋگە تۇرۋ قىزمەتىن الۋشىلاردىڭ كەزەگى 100-150-دەن 2-7 ادامعا دەيىن قىسقارعان.
ايتا كەتەيىك, حالىققا قىزمەت كورسەتۋ ورتالىقتارىندا «قۇجاتتاۋ» (جەكە باستى كۋالاندىراتىن قۇجاتتاردى راسىمدەۋ, تۇرعىلىقتى جەرى بويىنشا ءتىركەۋگە قويۋ/الۋ) قىزمەتتەرىن ميگراتسيالىق پوليتسيانىڭ 1-3 مامانى كورسەتەدى. ەلورداداعى №4 حقو بولىمىندە ورنالاستىرىلعان ميگراتسيالىق قىزمەتتىڭ 3 مامانىنا حقو-نىڭ تاعى 3 وپەراتورى جۇكتەمەنى ازايتۋعا كومەكتەسەدى, سونداي-اق قىزمەت الۋشىلار سانى تىم كوبەيگەن شاقتا تاعى 2 حقو قىزمەتكەرى جۇمىلدىرىلادى.
بولاشاقتا بۇل قاناتقاقتى جوبا نۇر-سۇلتان, الماتى جانە شىمكەنت قالالارىنىڭ بارلىق حالىققا قىزمەت كورسەتۋ ورتالىعىن قامتيدى دەپ جوسپارلانعان.