25-27 ماۋسىمدا سەناتتىڭ قارجى جانە بيۋدجەت كوميتەتىنىڭ توراعاسى ولگا پەرەپەچينا توكيودا «Women Political Leaders» قورى مەن جاپونيا پارلامەنتى وكىلدەر پالاتاسى ۇيىمداستىرعان «تۇراقتى دامۋ سالاسىنداعى ماقساتتاردى ىسكە اسىرۋ ارقىلى قوعامدى دامىتۋعا ارنالعان شارالار قابىلداۋ» تاقىرىبىنداعى ساياسي كوشباسشى ايەلدەردىڭ سامميتىنە قاتىستى.
جاپونيا وكىلدەر پالاتاسىنىڭ توراعاسى ت.وسيما سامميتكە قاتىسۋشىلارعا ارناعان سوزىندە قوعامنىڭ ساياسي جانە ەكونوميكالىق ءومىرىن دامىتۋداعى كوشباسشى ايەلدەردىڭ ەرەكشە ءرولىن اتاپ ءوتتى.
ايەلدەر ءسامميتى ازيا-تىنىق مۇحيت ايماعىندا العاش رەت ءوتىپ وتىر. الەمدە ايەلدەر مەن ەرلەر اراسىنداعى تەڭدىككە جەتۋ جولىندا ءالى دە بەلگىلى ءبىر كەدەرگىلەر بار ەكەنىن ەسكەرە وتىرىپ, قاتىسۋشىلار ايەلدەردىڭ قۇقىقتارىن ىلگەرىلەتۋ جانە بۇۇ ورنىقتى دامۋ ماقساتتارىنىڭ ولشەمدەرى ارقىلى ولاردىڭ قوعام ومىرىنە اتسالىسۋىن ۇلعايتۋ ماسەلەلەرىن تالقىلادى.
ەكى كۇنگە سوزىلعان پىكىرسايىستار قورىتىندىسى 28-29 ماۋسىمدا وساكادا وتەتىن G20 سامميتىنە قاتىسۋشىلارعا تابىس ەتىلەتىن بولدى.