ەركىن فورماتتا وتكەن كەزدەسۋدى جاستار ماسەلەلەرى جونىندەگى باسقارما باسشىسى يرينا تۋحۆاتۋلينا جۇرگىزدى. مۇمكىندىگى شەكتەۋلى جاندارعا ارنالعان «تەڭ جول» اۆتومەكتەبىنىڭ ديرەكتورى ءسالىمحان ءسابيتوۆ, جاڭا تۋعان سابيلەرگە ارنالعان جيھاز جاساۋمەن اينالىساتىن جاس كاسىپكەر رۇستەم باشاروۆ, گيپستەن جاسوسپىرىمدەردىڭ لاتىن ارىپتەرىن تانىپ-بىلۋىنە ارنالعان وقۋ قۇرالىن جاساۋدى قولعا العان م.قوزىباەۆ اتىنداعى سقمۋ-ءدىڭ ستۋدەنتى جانات كاكىموۆ, تاعى باسقا تالاپتى جاستار ءسوز الىپ, ءوز ىستەرى جايلى اڭگىمەلەدى. سونداي-اق كاسىپكەرلىك سالانى كەڭەيتۋ بويىنشا ۇسىنىستارىن جەتكىزدى.
قۇمار ىرگەباي ۇلى بارلىق وتىنىشتەر مەن ۇسىنىستاردى نازارعا الىپ, ماسەلەلەردى شەشۋدىڭ جولدارىن قاراستىراتىنىن ايتتى.
ءۋاليحانوۆ اۋدانىنداعى كىشكەنەكول №2 ورتا مەكتەبى تاريح ءپانىنىڭ مۇعالىمى, ۇزدىك جاستاردى انىقتاپ, ىنتالاندىرۋ ماقساتىندا ۇيىمداستىرىلعان Samuryq – 2018 كونكۋرسىندا «جاس مامان» اتالىمى بويىنشا جەڭىمپاز اتانعان رۋسلان قايىرگەلدين جاس ارحەولوگتاردىڭ فورۋمىن وتكىزۋ تۋرالى ۇسىنىس جاساپ, قولداۋ تاپتى.