قورعانىس مينيسترلىگىنىڭ وكىلى وسىنداي جاعدايدا بىرقاتار قاجەتتى شارالار ىسكە اسىرىلاتىنىن, ونىڭ ىشىندە ەۆاكۋاتسيالاۋ جۇمىستارى اتقارىلاتىنىن اتاپ ءوتتى.
«ورىن العان جارىلىستىڭ اۋقىمى مەن ناقتى سەبەبى ازىرگە بەلسىز. قازىرگى كەزدە جارىلىستىڭ زارداپتارىن جويۋ شارالارى جۇرگىزىلۋدە. سوندىقتان تەكسەرۋ جۇمىستارى ءۇشىن ءتيىستى ۋاقىت قاجەت», دەدى ول سەناتتا تىلشىلەر ساۋالىنا جاۋاپ بەرە وتىرىپ.
بۇدان بولەك ت. داندىباەۆ بۇگىن ورىن العان جارىلىستى 2009 جىلعى وقيعامەن سالىستىرۋعا بولمايتىنىن ايتتى.
«قارۋ-جاراقپەن, اسكەري تەحنيكامەن بايلانىستى شارالار ۇنەمى بەلگىلى ءبىر تاۋەكەلدى تۋىنداتادى. ارينە, بۇل وقيعانىڭ سەبەپتەرىن ەگجەي-تەگجەيلى تەكسەرەمىز», دەدى ءمينيستردىڭ ورىنباسارى.
سونىمەن قاتار تىلشىلەر ت. داندىباەۆتان ەسكىرگەن قارۋ-جاراقتىڭ جاعدايى تۋرالى سۇرادى.
«بىزدە كەڭەستىك كەزەڭنەن قالعان قارۋ-جاراق بار. وسى ورايدا ساقتاۋ مەرزىمىنەن اسقان قارۋ-جاراق پەن وق-ءدارىنى ۋتيليزاتسيالاۋ بويىنشا شارالاردى ىسكە اسىرۋدامىز», دەدى ول.