باق وكىلدەرىنىڭ كاسىبي مەرەكەسى قارساڭىندا وتكىزىلگەن جارىسقا 50-گە جۋىق جازۋشى-جۋرناليست قاتىستى. اتاپ ايتار بولساق, قول مەرگەندەر جارىسىنا ءسوز مەرگەندەرى قويشىعارا سالعارا ۇلى, تولەن ابدىك, ءجۇرسىن ەرمان, الدان سمايىل, تۇرسىن جۇرتباي, قاجىعالي مۇحانبەتقالي ۇلى, ساۋىتبەك ابدراحمانوۆ, فيلولوگيا عىلىمدارىنىڭ دوكتورى نامازالى وماش ۇلى, «Egemen Qazaqstan» گازەتى» اق باسقارما توراعاسى دارحان قىدىرالى, بەلگىلى جۋرناليست قاينار ولجاي جانە تاعى باسقا باق قىزمەتكەرلەرى مەن زيالى قاۋىم وكىلدەرى قاتىسىپ, جارىستىڭ كورىگىن قىزدىردى.
جارىسقا قاتىسۋشىلار اعا بۋىن جانە جاس بۋىن بولىپ ەكى توپقا ءبولىنىپ, ءوزارا كىم مىقتىنى انىقتادى. تاستاياق شەبەرلەرىنىڭ اراسىنداعى تۋرنير قورىتىندىسى بويىنشا اعا بۋىن اراسىندا فيلولوگيا عىلىمدارىنىڭ دوكتورى نامازالى وماش ۇلى قارسىلاس شاق كەلتىرمەي ءبىرىنشى ورىندى يەلەنسە, ەكىنشى ورىن بەلگىلى قالامگەر سادىبەك تۇگەلگە بۇيىردى. ۇزدىك ۇشتىكتى جۋرناليست كەنجە جۇماعۇلوۆ تۇيىندەدى.
ال جاس بۋىن اراسىنداعى باسەكەدە «كازاحستانسكايا پراۆدا» گازەتىنىڭ ءفوتوتىلشىسى ماقسۇت ەرجانوۆ توپ جاردى. ال ەكىنشى ورىندى بەلگىلى اقىن, جۋرناليست تالعات ەشەن ۇلى يەلەنسە, ءۇشىنشى ورىن جۋرناليست, ىشكى ىستەر ءمينيسترىنىڭ كەڭەسشىسى ءارى ۆەدومستۆونىڭ رەسمي وكىلى ءنۇردىلدا ورازعا بۇيىردى. سونىمەن قاتار ۇزدىك ويىنىمەن كوزگە تۇسكەن بىرنەشە قاتىسۋشىعا ءتۇرلى اتالىم بويىنشا ارنايى ديپلوم تابىستالدى.
باق وكىلدەرى اراسىنداعى بيليارد ءتۋرنيرى – ينتەللەكتۋالداردىڭ كاسىبي جارىسىمەن ءبىر دەڭگەيدە ءوتتى دەپ نىق سەنىممەن ايتۋعا بولادى. جارىسقا قاتىسۋشىلار دا تۋرنيردىڭ جوعارى دەڭگەيدە ۇيىمداستىرىلعانىن اتاپ ءوتىپ, جىل سايىن ءداستۇرلى جارىس رەتىندە جالعاسىن تاپسا دەگەن تىلەكتەرىن دە جەتكىزدى.