قوعامنىڭ نازارىن پەداگوگيكالىق ءبىلىم بەرۋدىڭ زاماناۋي ترەندتەرىنە اۋدارۋ, رەسپۋبليكاداعى ءبىلىم بەرۋ مازمۇنىن جاڭارتۋ مىندەتتەرىنە ىقپال ەتەتىن جەتەكشى حالىقارالىق يننوۆاتسيالىق تەحنولوگيالاردى تاراتۋعا اۋدارۋدى ماقسات ەتكەن فورۋم جۇمىسى قر ءبىلىم جانە عىلىم مينيسترلىگىنىڭ قولداۋىمەن اباي اتىنداعى قازۇپۋ, قازاقستان, قىرعىزستان, تاجىكستان, وزبەكستان, سونداي-اق يۋنەسكو كلاستەرلىك بيۋروسى رەسپۋبلكالىق ءبىلىم اليانسى مەن «ديالوگ اۋدارماشىلار وداعى» قق ۇيىمداستىرىلدى.
زاماناۋي ءبىلىم بەرۋ ماسەلەلەرىن بىرلەسىپ تالقىلاۋعا الەمدىك زەرتتەۋ ورتالىقتارىن تارتۋدى, قازاقستانداعى ءبىلىم بەرۋ مازمۇنىن جاڭارتۋ مىندەتتەرىنە ىقپال ەتەتىن پەداگوگيكالىق ءبىلىم بەرۋدىڭ قازىرگى زامانعى ترەندتەرىن دامىتۋعا جاردەمدەسۋدى, ءبىلىم بەرۋ ساپاسىن ارتتىرۋعا ىقپال ەتەتىن قازىرگى زامانعى حالىقارالىق ءبىلىم بەرۋ تەحنولوگيالارىمەن جانە بىرەگەي وقىتۋ ادىستەمەلەرىمەن تاجىريبە الماسۋ جانە تانىسۋدى, كاسىبي-پەداگوگيكالىق قارىم-قاتىناستىڭ جاڭا تۇرلەرىن دامىتۋدى جانە دە رەسپۋبليكادا پەداگوگيكالىق ءبىلىم بەرۋ ترەندتەرىن دامىتۋ بويىنشا ءتيىمدى شەشىمدەر ىزدەۋ جانە ۇسىنىستار ازىرلەۋ مەن يننوۆاتسيالىق ءبىلىم بەرۋ تەحنولوگيالارى جانە وقىتۋ ادىستەرى بويىنشا ۇلتتىق ساراپتاۋ كەڭەسىن قۇرۋ ماسەلەلەرىن قوزعاعان فورۋم جقمىسىن اباي اتىنداعى قازۇپۋ رەكتورى تاكير بالىقباەۆ اشىپ, بۇگىنگى ءبىلىم كەڭىستىگىنىڭ ەرەكشەلىكتەرىنە توقتالىپ ءوتتى. «ءبىز ارىپتەستەرىمىزبەن الداعى ۋاقىتتاردا دا تىعىز بايلانىستا بولا وتىرىپ, الەم بويىنشا ءبىلىم سالاسىنداعى يننوۆاتسيالاردى يگەرەمىز. ءبىلىم جۇيەسى قاشان دا اشىق بولۋى ءتيىس. وقىتۋ بارىسىندا جوعارى ساپالى ادىستەردى ۇسىنا وتىرىپ, وتاندىق ءبىلىم جۇيەسىن جوعارى ساتىعا كوتەرۋگە ىقپال ەتەمىز» دەپ اتاپ ءوتتى. ول ءوز سوزىندە «ديالوگ اۋدارماشىلار وداعى» قق باسشىسى ءارى شارانىڭ دەمەۋشىسى ولەگ كيمگە ارنايى العىسىن ءبىلدىردى. فورۋمنىڭ اشىلۋىندا سونىمەن قاتار يۋنەسكو الماتى كلاستەردىك بيۋروسىنىڭ ءبىلىم بويىنشا ۇلتتىق مامانى مەيرگۇل الپىسباەۆا ءسوز سويلەپ, الەمدىك ءبىلىم كەڭىستىگىمەن ىقپالداستىق ماسەلەلەرىنە توقتالدى.
فورۋم جۇمىسىنا ءبىلىم بەرۋ باسقارمالارىنىڭ, بىلىكتىلىكتى ارتتىرۋ جۇيەسىنىڭ باسشىلارى مەن وكىلدەرى, ءبىلىم بەرۋ ۇيىمدارىنىڭ وقىتۋشىلارى, كوللەدج جانە جوعارى وقۋ ورىندارىنىڭ ستۋدەنتتەرى قاتىسۋدا.
الماتى