ناتيجەسىندە, اسىل تۇقىمدى مالداردىڭ جالپى سانى بۇرىنعى 7,4 پايىزدان 13,4 پايىزعا ارتىپ, 54,9 مىڭ باستى قۇراعانى. ال, جىل باسىنان بەرى وبلىسىمىزعا شەتەلدەن 2 مىڭنان استام ءىرى قارا جەتكىزىلگەن. جىل سوڭىنا دەيىن تاعى 8 مىڭنان استام اسىل تۇقىمدى مال جەتكىزىلەدى دەپ جوسپارلانعان.
بۇگىندە وڭىردە جالپى قۋاتى 13,4 مىڭ باس مالعا شاقتالعان بارلىعى 10 بورداقىلاۋ الاڭى جۇمىس ىستەۋدە. اققۋلى اۋدانىندا «ارداق» شارۋا قوجالىعى 1 مىڭ باس ءىرى قاراعا ارنالعان بورداقىلاۋ الاڭىنىڭ قۇرىلىسىن باستادى.
باياناۋىلداعى «متس جايما» جشس 1,5 مىڭعا شاقتالعان مال سەمىرتۋ الاڭىن 3 مىڭ باسقا دەيىن كەڭەيتۋگە كىرىسكەن. ال, ماي اۋدانىنداعى «My Feedlot» جشس جاڭادان 1,5 مىڭ باس ءىرى قارانى بورداقىلاۋعا مۇمكىندىك بەرەتىن جوبانى جۇزەگە اسىرۋدا.
وتكەن جىلى ءىرى قارا مال وسىرەتىن 77, قوي, ەشكى وسىرەتىن 20 شارۋاشىلىق قۇرىلسا, بيىل 200-دەن استام شارۋاشىلىق جۇمىسىن باستاماق. وتكەن جىلى ءوڭىر شارۋاشىلىقتارى شەتەلگە 1348 توننا ەت جونەلتسە, بيىل بۇل كورسەتكىشتى 2300 تونناعا جەتكىزۋ جوسپارلانۋدا. وزگەگە تاسىعاننان گورى, ءوزىمىزدىڭ دە ەت جەۋىمىز, مال باسىن كوبەيتۋىمىز ماڭىزدى بولار.
پاۆلودار وبلىسى