سالتاناتتى شاراعا ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتار ماسەلەلەر جونىندەگى ورىنباسارى, گەنەرال-مايور مۇحامەدقالي ساتوۆ, وبلىس اكىمى قۇمار اقساقالوۆ,سوعىس ارداگەرى ستەپان باشيروۆ قاتىسىپ, جاس لەيتەنانتتارعا اق جول تىلەدى.مەملەكەتتىك ەمتيحاندارىن ءساتتى تاپسىرعان 217 تۇلەككە اسكەري بىلىكتىلىكتەرىن راستايتىن حالىقارالىق ديپلومدار سالتاناتتى تۇردە تابىس ەتىلدى.
«سىزدەر ەندى كەڭ بايتاق ەلىمىزدىڭ اسكەري بولىمدەرىندە قىزمەت ەتەتىن بولاسىزدار. وتاندى قورعاۋ– ءبىزدىڭ اتا-بابامىزدان ميراس بولىپ كەلە جاتقان ابىرويلى مىندەت, ازاماتتىق پارىز. الدارىڭىزدا ەلدىڭ تىنىشتىعىن, قاۋىپسىزدىگىن قامتاماسىز ەتۋ, جاس ساربازداردى وتانسۇيگىشتىككە تارتۋ سەكىلدى ابىرويلى مىندەتتەر», دەدى قۇتتىقتاۋ سوزىندە قۇمار ىرگەباي ۇلى.اسكەري ينستيتۋت باستىعى, گەنەرال-مايور باۋىرجان ابجانوۆقا فيلوسوفيا عىلىمدارىنىڭ دوكتورى عىلىمي اتاعى بەرىلدى.جىل وتكەن سايىن اسكەري ينستيتۋتتا وقۋعا تىلەك بىلدىرۋشىلەر قاتارى ارتىپ كەلەدى. بيىلعى وقۋ جىلىنا 613 مەكتەپ تۇلەگى قۇجات تاپسىرىپتى. 2015 جىلى قابىلدانعان كۋرسانتتار اراسىندا قىرعىز ەلىنىڭ 5, تاجىكستان رەسپۋبليكاسىنىڭ 10 ازاماتى بار.ەركەجان تولىباەۆ مەكتەپ قابىرعاسىندا جۇرگەندە اسكەري قىزمەتكەر بولۋدى ارمانداعان ەكەن. نۇر-سۇلتان قالاسىنداعى № 5573 اسكەري بولىمىنە جولداما الىپتى. اتا-انالار دا قۋانىشتى. سولاردىڭ ءبىرى گۇلزاعيرا شىنىبەكوۆا تۇركىستان وبلىسىنان ارنايى كەلىپتى. وزگەلەر سەكىلدى ول دا ەلىمىزدىڭ تىنىشتىعىن, جاستاردىڭ وتانعا قالتقىسىز قىزمەت ەتۋىن تىلەيدى.
بارابانشىلار مەن وركەستردىڭ, كارابينشىلەردىڭ ونەرى, قوشتاسۋ ءۆالسى كوپشىلىكتىڭ قوشەمەتىنە بولەندى.
سولتۇستىك قازاقستان وبلىسى.