1907-1976 جىلدارى شىعارىلعان, باعاسى ميلليون دوللارعا دەيىن جەتەتىن اۆتوكولىكتەر شەرۋى 2 ماۋسىم كۇنى پەكيننەن باستاۋ الىپ, قىتاي, موڭعوليا جانە رەسەي ارقىلى قازاقستانعا كەلدى.
16 ماۋسىم كۇنى اۆتوكولىكتەر پاۆلوداردا توقتاپ, كەشە ەلورداعا كەلدى.
استانالىقتار مەن قالا قوناقتارى قانشاما جىلدار بويى ساپاسىن جوعالتپاعان كولىكتەردى ۇلكەن قىزىعۋشىلىقپەن تاماشالاپ, كورمەدەن العان اسەرلەرى جايلى الەۋمەتتىك جەلىلەردە ءبولىستى.
ايتا كەتەيىك, جارىس 35 كۇنگە سوزىلىپ, وسى ۋاقىت ارالىعىندا ولار 12 مەملەكەت اۋماعى بويىنشا 14 994 كيلومەتردى باعىندىرادى.
«پەكين-پاريج 2019» رەترو-رالليىندەگى ەڭ ەسكى كولىك – 1907 جىلعى 112 جاستاعى Contal Motori Tricycle موتوتسيكلى, ودان كەيىنگىسى – امەريكان-بريتان ەكيپاجىنىڭ White MM Pullman ءاۆتوموبيلى بولدى. ول Contal Motori Tricycle موتوتسيكلىنەن 3 جىلعا جاس. ال رالليدەگى ەڭ جاس كولىك - 1977 جىلعى Porsche 911s.