«سۇڭقار» الەۋمەتتىك قامقورلىق ورتالىعى» قورىنىڭ ديرەكتورى جانات سۇڭقارباەۆا قوعامدىق سۇرانىسقا مونيتورينگ جۇرگىزىپ وتىراتىندىقتارىن ايتادى.
ەندى قوعامدىق قور ەلەكترشى, شاشتاراز جانە دانەكەرلەۋشى ماماندىقتارىنا ەلۋ جاستى وقىتپاق نيەتتە.
بۇگىندە كودەدەي كوپ ماماندىق يەلەرى ىشىندە جۇمىسسىز جۇرگەن جاستار جەتەدى. ەكىنىڭ بىرىنە زاڭگەر جانە ەسەپشى قىزمەتى تابىلا بەرمەيدى. ال دانەكەرلەۋشى, ەلەكترشى, سانتەحنيك جانە اسپاز سياقتى ماماندىقتارعا سۇرانىس كوپ. جاستاردىڭ قولىنا نەمىس ماتەلىندە ايتىلعانداي, «قارنى اشقانعا بالىق ەمەس قارماق بەرۋدى» ۇستانعان قوعامدىق قور وسىلايشا جۇمىسسىزداردىڭ سانىن ازايتۋعا ۇلەس قوسىپ جاتىر. قىسقا وقۋ ارقىلى قوسىمشا ماماندىق العان جاستاردىڭ الدى كاسىبىنىڭ ءناسىبىن تەرىپ جەپ ءجۇر.
قىزىلوردا وبلىسى