ماڭعىستاۋلىق پوليتسەيلەر قايىرىمدىلىق كومەك كورسەتۋدە

وتباسى - ءار ادام ءۇشىن ءار ءتۇرلى ۇرپاق اراسىنداعى بايلانىستىرۋشى بۋىن, رۋحاني جانە ادامگەرشىلىكتىڭ وشاعى. بىراق, ازاماتتاردىڭ قولداۋىنسىز كەيبىر وتباسىلارعا قيىندىققا قارسى تۇرۋ وڭاي ەمەس. سوندىقتان  پوليتسيا قىزمەتكەرلەرى وتباسىلاردى نىعايتۋعا ءوز ۇلەستەرىن قوسۋدى شەشتى. اكتسيا بارىسىندا قىزمەتكەرلەر 5 بالالى, جاس شاماسى 17, 15, 12, 10 جانە 7 جاس ارالىعىنداعى بالالارى بار كوپ بالالى وتباسىعا ماتەريالدىق كومەك كورسەتتى.

ماڭعىستاۋلىق پوليتسەيلەر ماتەريالدىق كومەكتى تەك قانا از قامتىلعان وتباسىلارعا كورسەتپەيدى.

1 ماۋسىم "بالالاردى قورعاۋ كۇنى" قايىرىمدىلىق اكتسياسى اياسىندا پوليتسەيلەر «بالالار اۋىلى» بالالار ءۇيىنىڭ  تاربيەلەنۋشىلەرىنە دە ماتەريالدىق كومەك كورسەتتى. بۇل يگى ءىس شارا ءارى قاراي ءوز جالعاسىن تابادى.

از قامتىلعان وتباسىلار, جەتىم بالالار, ارداگەرلەر مەن مۇگەدەكتەر الەۋمەتتىك قولداۋعا اسا مۇقتاج. بۇل قايىرىمدىلىق اكتسياسىن وتكىزۋدە پوليتسيا قىزمەتكەرلەرى ءوز جالاقىلارى ەسەبىنەن اقشا جيناپ, ولارعا ءبىر اۋىزدان كومەكتەسۋدى شەشكەن.

قايىرىمدىلىق اكتسياسى بارىسىندا پوليتسيا دەپارتامەنتىنىڭ قىزمەتكەرلەرى ءىىو ارداگەرلەرىنە, مۇگەدەكتەر ۇيىنە, قارتتار ۇيىنە بارىپ ماتەريالدىق كومەك قولىن سوزدى.