– قىزىم نۇر-سۇلتان قالاسىندا تۇرادى. بىراق اتا-اناسىمەن بىرگە داۋىس بەرۋ ءۇشىن ول ەلوردادان ەسەپتەن شىعارۋ تالونىن الىپ كەلدى. مەن تۇراقتى جانە گۇلدەنگەن قازاقستان ءۇشىن جانە ەڭ باستىسى – بالالاردىڭ بولاشاعى ءۇشىن تاڭداۋ جاسادىم. مەنىڭ 7 ايلىق كىشكەنتاي نەمەرەم بار. ونىڭ باقىتتى ەلدە ءومىر ءسۇرۋى ءۇشىن جانە بولاشاعى ءۇشىن دە داۋىس بەردىم دەپ ويلايمىن, – دەدى ەرلان قوشانوۆ.
وسى جەردە وبلىس اكىمى جەرلەستەرىن اتاقتى بوكسشى گەننادي گولوۆكيننىڭ بۇگىنگى تاماشا جەڭىسىمەن قۇتتىقتادى.
– كوپتەگەن قازاقستاندىقتار سياقتى جەكپە-جەكتى مەن دە تىكەلەي ەفيردەن تاماشالادىم. Twitter-دە قۇتتىقتاۋ جازىپ, گەنناديدىڭ اناسى ەليزاۆەتا سەرگەەۆنانى قۇتتىقتادىم, – دەدى ول.
اتالعان سايلاۋ ۋچاسكەسى تاڭەرتەڭنەن باستاپ بەلسەندى تىرلىك پەن مەرەكەلىك كوڭىل-كۇيگە بولەنگەن. اۋماقتىق سايلاۋ كوميسسياسىنىڭ اقپاراتى بويىنشا, تىركەلگەن 2855 سايلاۋشىنىڭ 20 پروتسەنتى تاڭعى ساعات 10.00-گە دەيىن داۋىس بەرىپتى. سايلاۋشىلاردىڭ كوبى جاستار. ولار ءۇشىن بۇل - العاشقى سايلاۋ. كوپتەگەن ادام داۋىس بەرۋگە وتباسىمەن, كىشكەنتاي بالالارىمەن كەلدى.
قاراعاندى وبلىسىندا 787 سايلاۋ ۋچاسكەسى جۇمىس ىستەيدى. قر پرەزيدەنتىن سايلاۋ بارىسىن وڭىردە 40-تان استام حالىقارالىق بايقاۋشى قاداعالايدى. ورتالىق سايلاۋ كوميسسياسىنىڭ مالىمەتىنە ساي, تاڭعى ساعات 10.00-دە وبلىس بويىنشا سايلاۋشىلاردىڭ كەلۋى 10,1 پروتسەنتتى قۇراعان.
قاراعاندى وبلىسى