سالتاناتتى شارا كەزىندە: "تۇرمىسى تومەن, كوپبالالى وتباسىلاردى تۇرعىن ۇيمەن قامتاماسىز ەتۋ ءۇشىن بولات وتەمۇراتوۆتىڭ جەكە قورىنىڭ دەمەۋشىلىك قولداۋىمەن تۇرعىن ءۇي سالۋ تۋرالى مەموراندۋمعا قول قويىلعان ەدى. ناتيجەسىندە قور قاراجاتى ەسەبىنەن 100 وتباسى تۇرعىن ۇيمەن قامتىلادى", - دەدى ول.
بۇگىنگى تاڭدا وبلىس بويىنشا 2246 كوپبالالى وتباسى تۇرعىن ۇيگە مۇقتاج.
مەملەكەتتىك قولداۋدىڭ ارقاسىندا وبلىستا تۇرعىن ءۇي قۇرىلىسى قارقىنىنىڭ تۇراقتى دامۋ ءۇردىسى بايقالاتىنىن اتاپ وتكەن ءجون. سوڭعى 6 جىلدا وڭىردە پايدالانۋعا بەرىلگەن تۇرعىن ءۇي كولەمى 2,5 ەسەگە ارتتى. بۇل كورسەتكىش 2013 جىلى 270,0 مىڭ شارشى مەتر بولسا, 2019 جىلى 720,8 مىڭ شارشى مەترگە دەيىن ءوستى. وسى جىلدار ىشىندە قىزىلوردا قالاسىنىڭ وزىندە 15 جاڭا شاعىن اۋدان سالىنىپ, 139 كوپقاباتتى تۇرعىن ءۇي پايدالانۋعا بەرىلگەن.
قىزىلوردا وبلىسى