وتىرىسقا جەرگىلىكتى اتقارۋشى ورگانداردىڭ, تۇرعىن ءۇي ينسپەكتسياسى, پاتەر يەلەرى كووپەراتيۆتەرىنىڭ وكىلدەرى قاتىستى. وبلىس ورتالىعىنداعى 1758 كوپقاباتتى ءۇيدىڭ تەك 35 پروتسەنتىندە عانا باسقارۋ فورمالارى بار. قالعاندارىندا يە بولماعاندىقتان كۇتىم جۇمىستارى تىڭعىلىقتى جۇرگىزىلمەيدى. «تۇرعىن ءۇي كوممۋنالدىق شارۋاشىلىعىن جاڭعىرتۋ» باعدارلاماسى اياسىندا 168 كوپقاباتتى ءۇي كۇردەلى جوندەۋدەن ءوتىپ, بۇل ماقساتقا 2,7 ملرد تەڭگە جۇمسالعان.
«باعدارلامانىڭ ارقاسىندا توزىعى جەتكەن كوندومينيمۋم نىساندارىنىڭ سانى 27 پروتسەنتتەن 17 پروتسەنتكە دەيىن تومەندەدى. اكىمدەردىڭ ەسەپتىك كەزدەسۋلەرىندە بۇل ماسەلە تۇرعىندار تاراپىنان ءجيى كوتەرىلىپ, باعدارلامانى قايتا قوسۋدى سۇرادى. ولاردىڭ وتىنىشتەرى ەسكەرىلەدى دەگەن ۇمىتتەمىز» دەدى ايماق باسشىسى قۇمار اقساقالوۆ.
ن. سابيليانوۆ ءوز سوزىندە قازىرگى قولدانىستاعى زاڭنامالار تۇرعىن ءۇي سالاسىنداعى بارلىق ماسەلەلەردى شەشە المايتىندىقتان, زاڭ نورمالارىنا بىرقاتار وزگەرىس ەنگىزۋ قاجەتتىگى تۋىنداعانىن, ۇكىمەت پارلامەنت ۇسىنىستارىن قاراپ جاتقانىن جەتكىزدى.
يندۋستريا جانە ينفراقۇرىلىمداردى دامىتۋ ءمينيسترىنىڭ ءبىرىنشى ورىنباسارى قايىربەك وسكەنباەۆ, پارلامەنت سەناتىنىڭ دەپۋتاتى ەرىك سۇلتانوۆ, تاعى باسقالارى تۇرعىن ءۇي-كوممۋنالدىق شارۋاشىلىق پروبلەمالارىن تىلگە تيەك ەتىپ, شەشىم جولدارىن ورتاعا سالدى.
سولتۇستىك قازاقستان وبلىسى