2017 جىلى وبلىستىق بيۋدجەتتەن پوليتسيا دەپارتامەنتىن, بولىمشەلەردى قاجەت تەحنيكامەن جابدىقتاۋعا 406 ملن تەڭگە بولىنگەن. 262 كومپيۋتەر ساتىپ الىندى.
- تىركەلگەن ىستەردىڭ 27,3% عانا ەلەكتروندى تۇردە جۇرگىزىلەدى. بۇل تومەن كورسەتكىش, - دەپ اتاپ ءوتتى وبلىس پروكۋرورىنىڭ ورىنباسارى باۋىرجان جۇماقانوۆ.
ەلەكتروندى تۇردە تىركەلىپ, كەيىن قاعاز ۇلگىگە اۋىستىرىلاتىن دەرەكتەر دە بار. بۇل كوبىنە اشىلماعان قىلمىستارعا قاتىستى.
اتىراۋ وبلىسىنىڭ پروكۋرورى حاليدوللا داۋەشوۆتىڭ ايتۋىنشا, ەلەكتروندى ۇلگىگە اۋىستىرىلعان قىلمىستىق ىستەردىڭ كورسەتكىشى تومەن.
-اقتوبە, اتىراۋ, اقمولا وبلىستارىندا ەلەكتروندى جۇيەدەگى ىستەر قاتارى از. اقمولا وبلىسىندا تەحنيكامەن قامتىلۋ
3%, اقتوبەدە - 30% بولسا, بىزدە- 75%. بارلىق قاجەتتى تەحنيكامەن قامتىلعانسىزدار, ءبارى جاڭا, بىراق دۇرىس پايدالانىلمايدى. سەبەبى نەدە؟ بيۋدجەتتەن 406 ملن تەڭگە بولىنگەن, بىردە ءبىر وبلىستا مۇنداي قاراجات قارالمايدى, بۇل اكىمدىك تاراپىنان ۇلكەن قولداۋ, الايدا, كورىپ وتىرعانىمىزداي پوليتسيالار مۇمكىندىكتى پايدالانبايدى, - دەدى وبلىس پروكۋرورى.
- بۇل پوليتسيا دەپارتامەنتىنە عانا ايتىلعان سىن ەمەس, اتقارۋشى ورگاندارعا دا قاتىستى. بۇگىن پروكۋراتۋرا پوليتسيانى سىنايدى, ميلليونداعان قارجىنى الىپ وتىرىپ, مۇمكىندىكتى پايدالانبادى دەپ. ەرتەڭ ەسەپ كوميسسياسى ەگەر جۇمىس جۇرمەسە, نەگە وسىنشا قاراجات بولەتىنىمىزدى سۇراۋى مۇمكىن. بۇل قارجىنى نەگە مىسالى باسقا الەۋمەتتىك نىساندارعا بولمەيمىز؟ سوندا نە دەپ جاۋاپ بەرەمىز؟ بۇل سۇراق بارىمىزگە قاتىستى,-دەدى جيىنعا قاتىسقان وبلىس اكىمى نۇرلان نوعاەۆ.
بۇل رەتتە جاعدايدىڭ ناقتى سەبەبىن انىقتاۋ ماڭىزدى. پىكىرتالاستا وتىرىسقا قاتىسۋشىلار پوليتسيانىڭ وسى باعىتتاعى جۇمىسىنىڭ كوڭىلدەن شىقپاۋىنا كادر جوقتىعى باستى سەبەپ دەگەن قورىتىندىعا كەلدى.
جيىندا, سونداي-اق, جەرگىلىكتى پوليتسيا باسشىسى الىبەك قايىروۆتىڭ بايانداماسى تىڭدالدى. قىلمىستىڭ كوبەيگەنى تۋرالى دەرەكتەر بولعانمەن, جالپى جاعداي تۇراقتى. وبلىس اكىمى اتقارۋشى بيلىك قۇقىق قورعاۋ ورگاندارى دۇرىس جۇمىس ىستەۋ ءۇشىن بارلىق قاجەت جاعدايدى جاساپ وتىرعانىن اتاپ ءوتتى.
-جەرگىلىكتى تۇرعىندار پروبلەما بولا قالسا, الدىمەن ۋچاسكەلىك پوليتسياعا جانە اكىمدىك وكىلدەرىنە حابارلاسادى. ءبىز ۋچاسكەلىك پوليتسيا قىزمەتكەرلەرىن تۇرعىن ۇيمەن قامتىپ وتىرمىز, ۋچاسكەلىك پوليتسيا بولىمشەلەرى سالىنۋدا. بۇل ءوز كەزەگىندە قىلمىس سانىن ازايتۋعا مۇمكىندىك بەرەدى. فوتو, بەينە تىركەۋ جوباسىن جۇزەگە اسىرۋدامىز. جىل سوڭىنا دەيىن بەينەباقىلاۋ كامەرالارىنىڭ سانىن 1,5 مىڭ بىرلىككە جەتكىزەمىز. سىزدەردىڭ تاراپتارىڭىزدان دا جۇمىس پەن ناتيجە كەرەك,-دەپ اتاپ ءوتتى نۇرلان نوعاەۆ.
وبلىس اكىمى بۋكمەكەرلىك كەڭسەلەردىڭ جۇمىسىنا پوليتسيانىڭ نازارىن اۋداردى.
-بۋكمەكەرلىك كەڭسەلەردىڭ جۇمىسىنا قاتىستى شاعىمدار كوپ. ادامدار ءبىر كۇندە بار جيعان-تەرگەن اقشالارىن شاشىپ كەتەدى. ولار زاڭدى جۇمىس ىستەيدى دەيدى, بىراق زاڭسىز كازينولار مەن وسىنداي ورىنداردىڭ بارى راس. بىرىككەن رەيد جۇرگىزىپ, زاڭسىز ارەكەتتەردى انىقتاۋ قاجەت. مۇنىڭ ءبارى تۇپتەپ كەلگەندە قوعامدىق قاۋىپسىزدىككە اسەر ەتەدى. بۇل كاسىپكەرلىك قىزمەت, جۇمىستارىنا ارالاسۋعا نيەتتى ەمەسپىز, بىراق ولار دا قۇقىقتىق الاڭ شەڭبەرىندە جۇمىس ىستەۋلەرى ءتيىس, - دەپ اتاپ ءوتتى ن. نوعاەۆ.