«ءبىلىم-2030: ءبىلىم مەن داعدى بولاشاعى» جوباسى اياسىندا جاھاندىق ءبىلىم بەرۋدەگى نەگىزگى ۇعىمدارعا ارنالعان بەينەروليكتەر توپتاماسى جاسالدى. قازاقستان زياتكەرلىك مەكتەپتەر پەداگوگتارى مەن وقۋشىلارى ارقىلى تانىستىرىلعان.
«ءبىلىم-2030» تۇجىرىمداماسىندا قىزىلوردا قالاسىنداعى زياتكەرلىك مەكتەپ وقۋشىسى نۇراي بەكتاي بولاشاقتىڭ ارحيتەكتۋراسى تۋرالى پايىمىن ايتسا, وسكەمەندىك زياتكەر جاناسىل باقىت سۋ تاسقىنى كەزىندە ادامداردى روبوتوتەحنيكا كومەگىمەن قۇتقارۋ ماسەلەسىن كوتەردى.
شىمكەنتتىك مۇعالىم نودير روسۋلوۆ (فمب) پەن وسكەمەننەن دينارا ونەركان ءوز بايانداۋىن تسيفرلىق ساۋاتتىلىق تاقىرىبىنا ارناپتى. پەتروپاۆلداعى زياتكەرلىك مەكتەپتىڭ شەتەلدىك مۇعالىمى كاتارينا ۆۋلف جاھاندىق قۇزىرەتتىلىكتى جاراتىلىستانۋ عىلىمدارى ارقىلى قالاي ەنگىزۋگە بولاتىنىن كورسەتتى.
ەكونوميكالىق ىنتىماقتاستىق جانە دامۋ ۇيىمى – عالامدىق ماسەلەلەردى شەشەتىن بەدەلدى فورۋم. 2016 جىلى «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى ەىدۇ «ءبىلىم-2030: ءبىلىم مەن داعدى بولاشاعى» جوباسىنىڭ ۇلتتىق ۇيلەستىرۋشىسى بولدى.
جىل سايىن NIS پەن ەىدۇ ىنتىماقتاستىق اياسى كەڭەيۋدە. 2019 جىلدىڭ 24-25 قازانىندا نۇر-سۇلتان قالاسىندا وتەتىن NIS «مەكتەپتەردى وزگەرتەتىن مۇعالىمدەر» XI حالىقارالىق كونفەرەنتسياسىندا ەىدۇ وكىلدەرى TALIS بيىلعى زەرتتەۋىنىڭ ناتيجەلەرىن ۇسىنادى. ۇيىم وكىلدەرى مەن ولاردىڭ باياندامالارى قازاقستاندىق پەداگوگتاردىڭ قىزىعۋشىلىعىنا يە. ەىدۇ ءبىلىم دەپارتامەنتى ەرتە بالالىق شاق پەن مەكتەپتەر ءبولىمىنىڭ جەتەكشىسى جانە PISA جانە TALIS كەڭكولەمدى زەرتتەۋلەر ۇيلەستىرۋشىسى يۋري بەلفالي 2017 جىلعى كونفەرەنتسيانىڭ باستى سپيكەرى بولدى.
كەلەشەك ءبىلىمىنىڭ نەگىزگى تۇجىرىمداماسىمەن تانىسىپ, نزم مۇعالىمدەرى مەن وقۋشىلارى قاتىسقان بەينروليكتەردى ەىدۇ سايتىنان كورۋگە بولادى.