ءوڭىر باسشىسى مەكتەپتە وقۋشىلاردى تاماقتاندىرۋ ماسەلەلەرىنە قاتىستى كوپتەگەن ارىز-شاعىم تۇسەتىنىن مالىمدەپ, «بالالاردى ساپالى تاماقتاندىرۋ ءۇشىن ءوڭىر بيۋدجەتىنەن قوماقتى قاراجات بولىنەدى. سوندىقتان بۇل باعىتتاعى ماسەلەلەر ءتيىستى شەشىمىن تابۋى ءتيىس» دەدى. اۋداندار مەن ورال قالاسى اكىمدەرىنە مەكتەپكە دەيىنگى جانە ورتا ءبىلىم بەرۋ سالاسىندا جۇمىس ساپاسىن ارتتىرۋ بويىنشا اتقارىلاتىن جۇمىستارعا كەشەندى تالداۋ جۇرگىزۋ تاپسىرىلدى.
«اعايىن» قازاق ەتنومادەني بىرلەستىگىنىڭ توراعاسى ماقسوت بەرگەن العاشقى مەديكو-سانيتارلىق جاردەمنىڭ قولجەتىمدىلىگى جانە مەديتسينالىق قىزمەت ساپاسى مەملەكەتتىڭ ەڭ باستى قۇندىلىعى – ۇلت دەنساۋلىعىنا ىقپال ەتەتىنىن ايتتى.
وڭىردە دارىگەر مامانداردىڭ جەتىسپەۋشىلىگى دە بار, وبلىس ورتالىعىندا مەديتسينالىق مەكەمەلەر دە قاجەت. ا.كولگىنوۆ ورال قالاسىنداعى كوپبەيىندى اۋرۋحانا جانىنان جاڭا كارديوورتالىق سالۋ ماسەلەسى جوسپارلانىپ, قاراجات قاراستىرىلعانىن مالىمدەدى. جاڭا كارديوورتالىق قۇرىلىسى 2020 جىلى باستالماق. سونداي-اق ورال قالاسىندا جاڭا №7 ەمحانا اشۋ قاجەتتىلىگى تۋىنداعان. ءوڭىر باسشىسى قالالىق اۋرۋحانا جاڭا عيماراتقا كوشكەن كەزدە بوساعان كورپۋستى «قاراشىعاناق» كومپانياسىنىڭ قاراجاتى ەسەبىنەن كۇردەلى جوندەۋدەن وتكىزىپ, ەمحاناعا اينالدىرۋ جوسپارىمەن ءبولىستى.
باتىس قازاقستان وبلىسىنىڭ اگروونەركاسىپ كەشەنى الەۋەتىن دامىتۋ تۋرالى بايانداما جاساعان وڭىرلىك قازاقستان حالقى اسسامبلەياسى قوعامدىق كەلىسىم كەڭەسىنىڭ مۇشەسى جەڭىس ساعيدۋللين سالادا ەڭبەك ونىمدىلىگىن ارتتىرىپ, اۋىل شارۋاشىلىعى ونىمدەرىن وڭدەۋ, زاماناۋي اگروتەحنولوگيانى قولدانۋ, شەتەلدىك بىلىكتى مامانداردىڭ تاجىريبەسىن پايدالانۋ تۋرالى ماسەلەلەردى كوتەردى. الداعى ۋاقىتتا اۋىل كاسىپكەرلەرىن شارۋاشىلىق جۇرگىزۋدىڭ جاڭا ادىستەرىنە ۇيرەتەتىن كۋرستاردا جاپپاي وقىتۋ جوسپارلانعان.
باتىس قازاقستان وبلىسى