ۇمىتكەرلەر اراسىندا ءوربيتىن بۇل پىكىرسايىس – ەلىمىزدەگى ساياسي مادەنيەتتى ارتتىرۋعا, كەڭەيتۋگە, سونداي-اق وسى پارتيالار نەمەسە ۇمىتكەرلەردىڭ تەك قانا سايلاۋالدى باعدارلاماسىن ەمەس, جالپى سىرتقى جانە ءىشكى ساياساتقا قاتىستى ءتۇرلى اسپەكتىلەردى تۇسىندىرۋگە ۇتىمدى الاڭ. سوندىقتان اتالعان دەباتتى قازاقستانداعى ساياسي ۇدەرىستەردى زاڭداستىرۋداعى ۇلكەن قادام دەپ قاراستىرۋعا ابدەن بولادى. ال اۋديتوريانىڭ, تۇتاستاي ەلەكتوراتتىڭ سەنىمىنە يە بولۋى كانديداتتاردىڭ ءسويلەۋ مانەرىنە, ياعني شەشەندىك ونەرىنە, ۇسىنىپ وتىرعان باعدارلاماسىن ءتيىمدى ۇسىنا بىلۋىنە بايلانىستى دەپ ويلايمىن. ەندى 80 مينۋت قاتىسۋشىلارعا بەرىلگەن از ۋاقىت ەمەس. وسى ليميت جەتكىلىكتى بولۋى ءتيىس. بۇل ناۋقان ەلدەگى ساياسي جۇيەنىڭ جەتىلۋىنە جول اشۋى ىقتيمال. ساياسي ارەناداعى جاڭا ەسىمدەر تانىلىپ, باسقارۋ ۇلگىسىنىڭ جاڭعىرۋىنا الىپ كەلۋى عاجاپ ەمەس.
ءاربىر سايلاۋدى قوعامنىڭ ساياسي دامۋىنىڭ بەلگىلى ءبىر مەكتەبى دەپ قاراستىرعان ابزال. وسى تۇرعىدان سارالاساق, ارينە, بۇل سايلاۋدىڭ ءمانى مەن مازمۇنى وتە جوعارى. تاۋەلسىزدىك العان جىلداردىڭ ىشىندە قوعام مەن مەملەكەتتىڭ اراسىندا جاقسى بايلانىستار پايدا بولدى. مىنە, وسى بايلانىستى ءارى قاراي دامىتىپ, ازاماتتار مەن بيلىكتىڭ اراسىنداعى ىنتىماقتاستىق جاسامپازدىق جاساۋدىڭ تاعى ءبىر سارا جولى دەپ ايتۋعا بارلىق نەگىز بار. قازىر گەوساياسي احۋالدى ەسكەرسەك, مىقتى بيلىك كەرەك ەكەنى ءسوزسىز. ول بيلىكتىڭ سىرتقى ساياساتتا, سول سەكىلدى قوعام الدىنداعى ابىرويى جوعارى بولعانى ءلازىم.
ەرلان سايروۆ,
ساياساتتانۋشى