قازاقستاننىڭ تۇڭعىش پرەزيدەنتى ەۋرازيالىق ەكونوميكالىق وداقتىڭ قۇرىلۋ تاريحىنا توقتالىپ, ينتەگراتسيالىق بىرلەستىكتىڭ ەۋرازيا كەڭىستىگىندە قالىپتاسۋىنىڭ نەگىزگى ناتيجەلەرىن اتاپ ءوتتى.
– ءبىز بەس مەملەكەتتىڭ كۇش-جىگەرىن جۇمىلدىرىپ, وراسان زور اۋماقتا بىرەگەي ەكونوميكالىق وداق قۇردىق. ءبىزدىڭ بيزنەس قاۋىمداستىقتارىمىز تىعىز ىنتىماقتاسىپ, ەۋرازيالىق ەكونوميكالىق وداقتىڭ مۇمكىندىكتەرىن پايدالانۋدا. قازاقستاندا وداق ەلدەرىمەن بىرلەسە قۇرعان كاسىپورىنداردىڭ سانى 11 مىڭعا جەتتى, – دەدى نۇرسۇلتان نازارباەۆ.
سونداي-اق, قازاقستاننىڭ تۇڭعىش پرەزيدەنتى تەڭ ارىپتەستىك پەن ءبىر-ءبىرىنىڭ نارىعىنا ەركىن كىرۋگە قاتىستى وداقتىڭ رەتتەلمەگەن ماسەلەلەرىنە توقتالدى.
الەمدە قالىپتاسقان جاعدايعا جانە وڭىرلىك ۇردىستەرگە بايلانىستى, نۇرسۇلتان نازارباۆ ينتەگراتسيالىق ۇدەرىستى ودان ءارى دامىتۋعا قاتىستى ءوز ويىن ورتاعا سالدى.
ەلباسى بىرلەسكەن ءىرى ينفراقۇرىلىمدىق جوبالاردى ازىرلەۋ جانە جۇزەگە اسىرۋ ءۇشىن ءتيىستى جۇمىستاردى جانداندىرۋ قاجەتتىگىن ايتتى.
سونىمەن قاتار, نۇرسۇلتان نازارباەۆ مۇشە-مەملەكەتتەردىڭ ىشكى ءوندىرىسىن دامىتۋعا باعىتتالعان «اقىلدى ينتەگراتسيانى» جۇزەگە اسىرۋدىڭ ماڭىزدىلىعىنا توقتالدى.
سوڭىندا نۇرسۇلتان نازارباەۆ حالىقتارىمىزدىڭ يگىلىگى ءۇشىن ينتەگراتسيالىق بىرلەستىكتى ودان ءارى دايەكتى دامىتۋدىڭ ماڭىزدىلىعىن اتاپ ءوتتى.